Պորտուգալիան օրինականացրել է էվթանազիան21 փետրվարի 2020 - 16:23 AMT PanARMENIAN.Net - Պորտուգալիայի խորհրդարանը ձայների ճնշող մեծամասնությամբ օրինականացրել է էվթանազիան՝ չեղարկելով քրեական հետապնդումը սեփական ցանկությամբ կյանքից հեռանալուն նպաստելու համար: Մի քանի հասարակական խումբ խնդրել էր թույլ տալ բուժանձնակազմի մասնակցությամբ էվթանազիան անբուժելի հիվանդների համար: Խնդրագրերից մեկը հարյուրավոր բժիշկներ են ստորագրել: Հարցին հավանություն են տվել նաև սոցիալիստական և «կանաչների» կուսակցությունները, տեղեկացնում է euronews-ը: 2018-ի մայիսին Պորտուգալիայի խորհրդարանը մերժել էր նմանատիպ նախաձեռնությունը 5 ձայնի տարբերությամբ: Այս անգամ այն հավանության արժանացավ՝ չնայած բուռն բողոքներին, որոնց մասնակցում էին կաթոլիկ կազմակերպությունները, մի շարք տեղական ԶԼՄ-ներ և Պորտուգալիայի բժիշկների ասոցիացիան: Էվթանազիայի հակառակորդներն այն համարում են տարեց մարդկանց հետ «հաշվեհարդարի բաղադրատոմս» և պնդում, որ այդկերպ կյանքից հեռանալը հակասում է բուժաշխատողների առանցքային սկզբունքներին: Կողմնակիցները, իրենց հերթին, պնդում են, թե անբուժելի հիվանդություններով տառապողները պետք է ունենան կյանքից կամավոր հեռանալու օրինական հնարավորություն: Առաջինն ակտիվ էվթանազիան օրինականացրել են Նիդեռլանդները: Հետո անբուժելի հիվանդների մահվան բուժաջակցությունն օրինականացվեց Բելգիայում, Լյուքսեմբուրգում, Շվեյցարիայում ու Կանադայում: Էվթանազիան անբուժելի հիվանդությամբ տառապող մարդուն՝ ցավերից ազատելու համար կյանքից զրկելն է։ Առանձնանում է էվթանազիայի երկու տեսակ՝ պասիվ և ակտիվ։ Պասիվ է համարվում, երբ մահացու հիվանդին դիտավորյալ դադարեցնում են դեղամիջոցներ տալ։ Ակտիվ է համարվում հիվանդին մահացու դեղամիջոց ներարկելը կամ մահ առաջացնող ուրիշ գործողություններ, որոնց արդյունքում վրա է հասնում անցավ և արագ մահ։ Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |