Պետրոսյան. Օպերայի շրջակայքի բարեկարգման մրցույթի ժյուրիում մի մարդ է, ով 2012-ին արդարացնում էր ԱՕԿՍ-ի քանդումը 9 մարտի 2020 - 17:25 AMT PanARMENIAN.Net - Կադաստրի կոմիտեի նախկին ղեկավար Սարհատ Պետրոսյանն անդրադարձել է Օպերայի շրջակայքի բարեկարգման նախագծին և հայտարարված մրցույթին՝ նշելով, որ ընտրող հանձնաժողովի անդամներից է նախկին մի պաշտոնյա, որը 2012-ին արդարացնում էր ԱՕԿՍ-ի շենքի քանդումը: «Չեմ անդրադառնում այդ մրցույթին, քանի որ դա մեկ անգամ ևս ապացուցեց, որ իրականում որևէ փոփոխություն չկա նման խոշոր մասշտաբով խնդիրներ լուծելու և առհասարակ նորմալ կազմակերպված ճարտարապետական մրցույթների միջոցով գաղափարներ գեներացնելու համար։ Սակայն փաթեթում աչքիս զարնեց ժյուրիի կամ այսպես ասած ընտրող հանձնաժողովի կազմը, ու հատկապես՝ մեկ անուն։ Մրցույթում տխրահռչակ Քաղաքաշինության կոմիտեն ներկայացնում է 2012-ին ԱՕԿՍ-ի շենքի քանդումն արդարացրած՝ մշակույթի նախարարության նախկին պաշտոնյան»,- ասվում է գրառման մեջ: Պետրոսյանը նշել է, որ հարցին չէր անդրադառնա, եթե, «համաձայն օդում կախված լուրերի», փորձ չլիներ նրան որպես «ոլորտի լավագույն գիտակ» մշակույթի նախարարություն հրավիրել աշխատանքի: «Մենք կարող ենք բազմաթիվ կիսատ-պռատ որոշումների, մասնագիտական առումով բոբիկ մտքերի համար լինել ներողամիտ, բայց երբ կոնկրետ անձինք, որոնք վերջին 2 տարիների փոփոխություններից հետո պետք է ամաչեին փողոցում քայլել, այսօր ջրի երես են դուրս գալիս՝ պետք է ստանան արժանին։ Սրա նպատակը ոչ թե այդ մարդկանց մինչև վերջ ոչնչացնելն է, այլ այսօր նման գործարքների մեջ մտնող մարդկանց ցույց տալը, որ եթե հիմա ինչ-որ պատճառով (թայֆաբազության՝ հիմնականում) պլստացին իրավական պատասխանատվությունից, ապա երկարաժամկետ կտրվածքով կրելու են բարոյական պատասխանատվություն այս ամենի համար»,- ասվում է գրառման մեջ։ Oպերայի և բալետի ազգային ակադեմիական թատրոնի հարակից՝ Ազատության հրապարակի ու դրա շրջակայքի՝ Մեսրոպ Մաշտոց և Սայաթ-Նովա պողոտաների, Թումանյան և Տերյան փողոցներով պարփակված գոտու վերականգնման ու բարեկարգման մրցույթ կանցկացվի: Նախատեսվում է, որ հրապարակային մրցույթին ներկայացված առաջարկներից լավագույնին կընտրի 10 հոգուց բաղկացած հանձնաժողովը, որի կազմում են նաև քաղքապետ Հայկ Մարությանը, Երևանի գլխավոր ճարտարապետ Արթուր Մեսչյանը:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում”   Ամենաընթերցվողը բաժնում |  Բաժիններ թեմայով Վերջին լուրեր Ղազախստանի ԱԳՆ․ Միջնորդության մասին խոսք չկա՝ բանակցելու են բացառապես ՀՀ-ն ու Ադրբեջանը  «Մենք լոկ բարի կամքի ծառայություն ենք տրամադրում՝ այսպես կոչված good offices»,– ասել է նա«Հայաքվեի» կոչը՝ միասնական ճակատ ձևավորել, կառավարությանն անվստահություն հայտնելու գործընթաց նախաձեռնել Նաև է կոչ է արվել իշխանական պատգամավորներին դուրս գալ «Քաղաքացիական պայմանագիր» խմբակցությունիցՕսկանյան. Արցախի հարցը փակված չէ Նա նշել է, որ Հայաստանն այսքան խոցելի է դարձել հիմնականում այն պատճառով, որ մենք կորցրել ենք ԱրցախըՆարեկ Մանասյանը՝ բռնցքամարտի ԵԱ արծաթե մեդալակիր Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը |
