Վարչապետ. Կորոնավիրուսով վարակվածների թիվը ևս 35-ով ավելացել է28 մարտի 2020 - 21:08 AMT PanARMENIAN.Net - Հայաստանում մարտի 28-ին երեկոյան ժամը 21:00-ի դրությամբ կորոնավիրուսով վարակի դեպքերի թիվն ավելացել է ևս 35-ով, ֆեյսբուքյան ուղիղ եթերում տեղեկացրել է վարչապետ Նիկոլ Փաշինյանը: Այսպիսով՝ ընդհանուր դեպքերի թիվը երկրում հասել է 407-ի: «Իրավիճակը կորոնավիրուսի հետ կապված ՀՀ-ում բավականին լարված է, ցավոք սրտի մենք հիվանդների թվի աճ ենք ունենում: Այսօր էլ մոտավորապես 35 նոր ախտորոշում ենք ունեցել: Բայց, ընդհանուր առմամբ, դեռևս իրավիճակը համարվում է կառավարելի»,- ասել է Փաշինյանը՝ նշելով, որ անհրաժեշտ է հետևել պարետատան ցուցումներին՝ առողջապահական համակարգը վտանգի չենթարկելու համար: Առողջապահության նախարարի մամուլի խոսնակ Ալինա Նիկողոսյանը PanARMENIAN.Net ին մանրամասնեց, որ հաստատված 35 նոր դեպքերը մարտի 28-ի տվյաներ են, սակայն օրվա վերջնական թվերը կամփոփվեն մարտի 29-ի առավոտյան: Ընդհանուր առողջացածների թիվն ավելի վաղ հասել էր 30-ի: Ըստ ԱՆ-ի՝ ինտենսիվ թերապիայի բաժանմունքում բժշկական օգնություն և սպասարկում է ստանում թոքաբորբով 13 պացիենտ, որոնցից 2-ի վիճակը ծայրահեղ ծանր է (ինտուբացված են), 2 պացիենտ ծանր են (հարաբերական կայուն), մնացած 9-ը՝ կայուն ծանր։ ՀՀ-ում մարտի 16-ից մինչև ապրիլի 14-ն արտակարգ դրություն է՝ կորոնավիրուսի տարածումը կանխելու համար: Մարտի 25-ից երկրում 7 օրով գործում է քաղաքացիների տեղաշարժի սահմանափակում: 30 հոգի առողջացել է:Մահվան մեկ դեպք կա: Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից
Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին Փաշինյան. Սպասում ենք ԵՄ որոշմանը՝ ՀՀ-ին ԵՄ խաղաղության հիմնադրամում ներառելու վերաբերյալ Ըստ որոշ աղբյուրների, այդ գործընթացն արգելակում է Հունգարիան, որը պահանջում է, որ Բաքվին էլ գումար հատկացվի «ՀայաՔվեն» հանցագործության մասին հաղորդում է ներկայացրել դատախազություն. Սահմանազատմանն է առնչվում Դիմումը ներկայացվել է ընդդեմ սահմանազատման հանձնաժողովի, փոխվարչապետի և վարչապետի |