Կորոնավիրուսից մահացել է ֆրանսահայ քաղգործիչ Պատրիկ Դևեջյանը. LePoint

Կորոնավիրուսից մահացել է ֆրանսահայ  քաղգործիչ Պատրիկ Դևեջյանը. LePoint

PanARMENIAN.Net - Ֆրանսիայում կորոնավիրուսից մահացել է ֆրանսահայ քաղաքական գործիչ Պատրիկ Դևեջյանը, տեղեկացնում է LePoint պարբերականը։ Նա 75 տարեկան էր։

Ավելի վաղ հայտնի էր դարձել, որ Դևեջյանի մոտ կորոնավիրուս է ախտորոշվել, ինչի մասին նա ինքն էր տեղեկացրել Twitter-ի իր միկրոբլոգում։

Դևեջյանը մի քանի տարի կարևոր պաշտոններ է զբաղեցրել Ֆրանսիայի կառավարությունում: 2004-2005 թվականներին եղել է արդյունաբերության, իսկ 2008-2009-ը` տնտեսության վերականգնման նախարար: Նա եղել է նաև Ֆրանսիայի նախկին նախագահ Ժակ Շիրակի անձնական փաստաբանը և մեկ այլ նախագահ Նիկոլյա Սարկոզիի ընկերը։ Ֆրանսիայի նախագահի պաշտոնում Սարկոզիի ընտրվելուց հետո Դևեջյանը նշանակվել է իշխող «Ժողովրդական շարժման միություն» կուսակցության գլխավոր քարտուղար:

Le Figaro-ին տված հարցազրույցներից մեկում Դևեջյանը պատմել էր իր հայկական արմատների մասին՝ նշելով, որ մանկուց լսել է հորից պատմությունները Հայաստանի և հայերի մասին։ Նա մշտապես պայքարել է Ֆրանսիայի կողմից Հայոց ցեղասպանության ճանաչման համար և մեծ ավանդ ունեցել այդ գործում։ ՀՀ և Ֆրանսիայի միջև բարեկամական կապերի ամրապնդման գործում ներդրած նշանակալի ավանդի համար Դևեջյանը պարգևատրվել է Պատվո շքանշանով։

1981-ին Դևեջյանը հրաժարվել է մասնակցել քաղաքապետի ընտրություններին, քանի որ պատրաստվում էր դատարանում պաշտպանել Հայաստանի ազատագրության հայ գաղտնի բանակի (ASALA) անդամներին: Դևեջյանը և նրա թիմը հասան նրան, որ դատարանի նախագահն արգելեց նիստի մասնակիցներին մեղադրյալներին ահաբեկիչներ անվանել։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---