Վրաստանում հայտարարել են, որ կորոնավիրուսի անկառավարելի համաճարակի շեմին են

Վրաստանում հայտարարել են, որ կորոնավիրուսի անկառավարելի համաճարակի շեմին են

PanARMENIAN.Net - Վրաստանի Հիվանդությունների և հանրային առողջության վերահսկման ազգային կենտրոնի ղեկավար Ամիրան Գամկրելիձեն հայտարարել է, որ երկիրը գտնվում է COVID-19-ի լայնածավալ համաճարակի շեմին։

«Դա կարող է վերածվել անկառավարելի գործընթացի, ինչպես դա տեղի ունեցավ Իտալիայում, Ֆրանսիայում, Իսպանիայում․․․»,- ասել է նա, գրում է Interfax-ը։

«Իսկ չէ որ այդ երկրները շատ ավելի հզոր են Վրաստանից թե տնտեսապես, թե առողջապահության տեսակետից։ Մենք իրական վտանգի առջև ենք»,- ասել է նա։

Վրաստանում կորոնավիրուսով վարակվածների թիվը հասել է 90-ի։ Այդ մասին տեղեկացրել է StopCov կայքը։ Ապաքինվել է 18 մարդ: Կարանտինում 4695 մարդ կա, իսկ հիվանդանոցում բժիշկների հսկողության տակ՝ 231։

Կորոնավիրուսի պանդեմիայի հետ կապված Վրաստանը մարտի 18-ին 2 շաբաթով փակել է սահմաններն օտարերկրացիների համար՝ բացառությամբ հատուկ դեպքերի։ Իսկ մարտի 21-ից երկրում արտակարգ դրություն է սահմանված մինչև ապրիլի 21-ը։

Վրաստանի Մառնեուլի և Բոլնիսի շրջաններում կարանտինի խիստ միջոցներ են ձեռնարկվում։ Վարչապետ Գեորգի Գախարիան հայտարարել է, որ ելքն ու մուտքն այդ շրջաններ արգելվում է, քանի որ այնտեղ կորոնավիրուսի ներքին տարածում է սկսվում։ Մառնեուլի և Բոլնիսի շրջան ռազմատեխնիկա է մտել։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին