Իտալահայ բժիշկը մահացել է կորոնավիրուսից

Իտալահայ բժիշկը մահացել է կորոնավիրուսից

PanARMENIAN.Net - Իտալիայում կորոնավիրուսից մահացել է հայազգի բժիշկ Ղևոնդ Մուրադյանը: Այս մասին ասվում է «Եռագույն» լրատվականի ֆեյսբուքյան էջում:

Նշվում է, որ նա որպես բժիշկ է աշխատել եվրոպական մի քանի երկրում, վերջին շրջանում՝ Իտալիայում, և իր գործի նվիրյալն էր։

«Եվս մեկ կորուստ՝ պսակաձև վարակի պատճառով․․․ Ղևոնդ Մուրադյանը ծնվել և կրթություն է ստացել Ղամիշլիում, բժշկություն է ուսանել Հնդկաստանում, հետո տեղափոխվել եվրոպական երկրներ: Նա ևս զոհ գնաց չարաբաստիկ վարակին»,- ասվում է գրառման մեջ։

Իտալիայում կորոնավիրուսից մահերի ամենամեծ թիվն է գրանցվել Եվրոպայում։ Այդ վարակից մահացածների թիվը երկրում արդեն գերազանցել է 9000-ը։

 Ուշագրավ
Կողմերն անդրադարձել են ՀՀ-ԵՄ հարաբերություններին, Լեռնային Ղարաբաղի շուրջ ստեղծված իրավիճակին
Ավելի վաղ ԱՀ նախագահը հանդիպել էր Արկադի Ղուկասյանի և Բակո Սահակյանի հետ
Նա նշել է, որ Մեծի Տանն Կիլիկիո կաթողիկոսությունը չի կարող անտարբեր և լուռ մնալ
---