Կորոնավիրուսից 108-ամյա բրիտանուհի է մահացել, ով հաղթահարել էր «իսպանկան». Guardian

Կորոնավիրուսից 108-ամյա բրիտանուհի է մահացել, ով հաղթահարել էր «իսպանկան». Guardian

PanARMENIAN.Net - Մեծ Բրիտանիայում Covid-19 կորոնավիրուսից մահացել է 108-ամյա Հիլդա Չերչիլը, ով ժամանակին հաղթահարել էր 1919-1920թթ․ իսպանական գրիպի պանդեմիան։ Նա Երկիր մոլորակի ամենատարեց մարդն է, որը մահացել է վարակից, հայտնում է The Guardian-ը։

Հիլդա Չերչիլը մահացել է ծերանոցում՝ կորոնավիրուսի վարակի առկայության հաստատումից մի քանի ժամ անց։ 8 օր հետո նա կդառնար 109 տարեկան։

Չերչիլը ծնվել է 1911-ին՝ Առաջին համաշխարհայինից մի քանի տարի առաջ։

«Երբ վերջին անգամ այցելել էի նրան, մենք խոսում էինք կորոնավիրուսից՝ ես զգուշացրեցի, որ որոշ ժամանակ չենք կարողանա տեսնվել։ Նա ասաց, որ դա շատ նման է իսպանական գրիպին, բայց այն ժամանակ ինքնաթիռներ չկային, և միևնույն է՝ վիրուսը տարածվեց ամենուր»,- ասել է կնոջ թոռը։

Բրիտանիայում կորոնավիրուսով վարակվածների թիվը հասնում է մոտ 20,000-ի։

Photo: Anthony Churchill/SWNS
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---