Իտալիայում կորոնավիրուսով վարակման նոր դեպքերը ռեկորդային քիչ են. Euronews

Իտալիայում կորոնավիրուսով վարակման նոր դեպքերը ռեկորդային քիչ են. Euronews

PanARMENIAN.Net - Իտալիայում մարտի 30-ի երեկոյի տվյալներով կորոնավիրուսով վարակման նոր դեպքերի ռեկորդային ցածր ցուցանիշ է գրանցվել։ Թեև մեկ օրում 812 մահ է եղել, իսկ մահացածների ընդհանուր թիվը հասել է 11,500-ի, վարակվածների թվի աճը գրեթե 2 անգամ նվազել է մարտի կեսի համեմատ, գրում է Euronews-ը։

Մարտի 30-ի դրությամբ գրանցվել է նաև մեկ օրում ապաքինվածների ամենալավ ցուցանիշը՝ 1500 մարդ։ Դա լավագույն ցուցանիշն է երկրում համաճարակի բռնկումից ի վեր։

Խիստ կարանտինը, որը գործում է Իտալիայում արդեն 3 շաբաթ, երկարացվել է մինչև Սբ Զատկի տոնը՝ ապրիլի 13-ը։ Այդ մասին հայտարարել է առողջապահության նախարար Ռոբերտո Սպերանցան։

Բերգամոյում իշխանությունները հորդորում են մնալ տանը, իսկ տասնյակ կամավորներ, որոնցից շատերը կորցրել են մերձավորներին, սնունդ և դեղեր են բաժանում կարիքավորներին։

Վատիկանում հայտարարել են, որ Ավագ շաբաթվա արարողություններն անցկացվելու են Սբ Պետրոսի տաճարում՝ Հռոմի պապ Ֆրանցիսկոսի և մի քանի օգնականների մասնակցությամբ։ Հռոմի կաթոլիկ եկեղեցին ավելի վաղ չէր բացառել, որ Ավագ շաբաթվա արարողությունները կարող են ամբողջ աշխարհի մասշտաբով հետաձգվել։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին