Վրաստանի կառավարությունը կֆինանսավորի բնակիչների կոմունալ ծախսերը

Վրաստանի կառավարությունը կֆինանսավորի բնակիչների կոմունալ ծախսերը

PanARMENIAN.Net - Վրաստանի կառավարությունն ամբողջությամբ կֆինանսավորի բնակիչների մարտ, ապրիլ և մայիս ամիսների կոմունալ ծախսերը։ ։

Խոսքն ամսական մինչև 200 կՎտ էլեկտրաէներգիա, ինչպես նաև 200 մ/3-ից պակաս բնական գազ սպառող բնակիչների մասին է։

Այս մասին կորոնավիրուսի հարցով միջգերատեսչական խորհրդի նիստին ասել է Վրաստանի վարչապետ Գիորգի Գախարիան, տեղեկացնում է Aliq.ge-ն։

Կառավարության ղեկավարի խոսքով, ֆինանսավորումը ներառում է նաև աղբի և ջրի կոմունալ վճարումները:

«Այս օգնությունն ուղղակիորեն ուղղված է յուրաքանչյուր քաղաքացուն, թեև մենք հասկանում ենք, որ սա բավական չէ: Մենք պետք է գտնենք բոլոր քաղաքացիներին, որոնք կորցրել են իրենց աշխատանքն այս ամենի հետևանքով, որից հետո մենք կունենանք հստակ պայմանավորվածություններ նրանց անմիջական օգնության համար»,- ասել է վարչապետը:

Վրաստանում կա 1,200,000 տնտեսություն, որոնք ամսական 200 կՎտ էլեկտրաէներգիայից պակաս են սպառում և մոտ 671,000 ընտանիք, որոնց կփոխհատուցվի ամսական մինչև 200 մ/3 բնական գազ։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին