Մխիթարյանը միացել է «Ռոմայի»՝ տարեցներին օգնելու ակցիային

Մխիթարյանը միացել է «Ռոմայի»՝ տարեցներին օգնելու ակցիային

PanARMENIAN.Net - Իտալական «Ռոմայի» կիսապաշտպան Հենրիխ Մխիթարյանը միացել է ակումբի «Միասին» ակցիային, որը կոչված է աջակցելու Իտալիայի տարեց քաղաքացիներին։ Այդ մասին ասվում է ֆուտբոլիստի ֆեյսբուքյան էջում։

Իտալիայում տարեցներից շատերը, գտնվելով ռիսկային խմբում, կորոնավիրուսի համաճարակի պայմաններում վախենում են փողոց դուրս գալ և գնումներ կատարել։ Ուստի ակումբի ֆուտբոլիստները որոշել են օգնել այն տարեցներին, որոնք «Ռոմայի» 1 տարվա հանդիպումների տոմսերի բաժանորդագրություն ունեն։

«Ռոմայի» ակցիան մեկնարկել է ապրիլի 2-ին։ Վերոնշյալ խմբին դասվող մարդիկ կարող են կապ հաստատել ակումբի հետ հատուկ հեռախոսահամարով։

Մխիթարյանն ընթացիկ խաղաշրջանում 17 հանդիպման է մասնակցել «Ռոմայի» կազմում՝ 6 գոլի և գոլային 4 փոխանցման հեղինակ դառնալով։ Իտալական ակումբը լոնդոնյան «Արսենալից» վարձակալել է նրան մինչև խաղաշրջանի ավարտը։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան