Twitter-ի հիմնադիրն իր կարողության մոտ 30%-ը կհատկացնի կորոնավիրուսի դեմ պայքարին

Twitter-ի հիմնադիրն իր կարողության մոտ 30%-ը կհատկացնի կորոնավիրուսի դեմ պայքարին

PanARMENIAN.Net - Twitter-ի հիմնադիր Ջեկ Դորսին $1 միլիարդ կհատկացնի կորոնավիրուսի համաճարակի դեմ պայքարին։ Այդ մասին նա գրել է իր միկրոբլոգում։

Դորսին նշել է, որ գումարը կկազմի նրա կարողության 28%-ը։

«Ես $1 միլիարդ եմ նվիրաբերում Square ընկերությունում իմ բաժնեմասից Start Small հիմնադրամին՝ COVID-19-ի դեմ համաշխարհային պայքարի համար»,- գրել է Դորսին։

Նա կցել է նաև մի փաստաթուղթ, որից երևում է, որ նվիրատվության ճշգրիտ գումարը կազմում է $997,818,354։ Ըստ Դորսիի՝ պանդեմիան հաղթահարելուց հետո հիմնադրամը կկենտրոնանա աղջիկների կրթության և առողջության հարցերի վրա։

Նա նշել է, որ նախկինում շատ է գաղտնի նվիրատվություններ արել, սակայն այս անգամ գործելու է բացահայտ՝ այլոց ոգեշնչելու նպատակով։

Կորոնավիրուսի համավարակը տարածվել է աշխարհի 211 երկրով։ Աշխարհում վարակվել է 1․4 մլն մարդ, ավելի քան 82,000-ը մահացել է։

Photo. Amal KS/Hindustan Times via Getty Images
 Ուշագրավ
Գերմանիայի կանցլերն առաջիկա օրերին պարբերաբար կորոնավիրուսի թեստ կհանձնի
Քաղաքացիներին հրահանգվել է մնալ տանը, դուրս գալ միայն ծայրահեղ անհրաժեշտության դեպքում
Կազմակերպությունը նաև տեսանյութ է հրապարակել
«Ես նույնպես վախենում եմ, բայց ոչ թե խանութ, այլ աշխատանքի գնալուց»,- ասել է նա