Վրաստանում կանխատեսում են` մինչև շաբաթվա վերջ կորոնավիրուսի դեպքերը կհասնեն 350-400-ի

Վրաստանում կանխատեսում են` մինչև շաբաթվա վերջ կորոնավիրուսի դեպքերը կհասնեն 350-400-ի

PanARMENIAN.Net - Վրաստանում կանխատեսում են, որ մինչև շաբաթվա ավարտը կորոնավիրուսի դեպքերը կհասնեն 350-400-ի։ Այդ մասին հայտարարել է Վրաստանի Հիվանդությունների և հանրային առողջության ազգային կենտրոնի ղեկավար Ամիրան Գամկրելիձեն։

Ըստ նրա, ամբողջ ապրիլն ու մայիսի առաջին 1-2 շաբաթը բավականին բարդ են լինելու։ Ինչպես հայտարարել է Գամկրելիձեն, ապրիլին վարակի դեպքերը կաող են կրկնապատկվել ամեն շաբաթ, գրում է apsny.ge-ն։

«Մենք կանխատեսում ենք, որ ընթացիկ շաբաթվա վերջում կունենանք վարակման 350-400 դեպք․․․Բոլոր հանձնարարականները, որ մենք տալիս ենք, անպայման պետք է պահել ուշադրության կենտրոնում, հատկապես սոցիալական հեռավորություն պահպանելու անհրաժեշտությունը։ Դա վարակի դեմ պայքարի ամենազորեզ միջոցներից է։ Սակայն, կան նաև այլ մոդելներ, որոնք կանխատեսում են, որ գագաթնակետը կարող է լինել, ասենք, հուլիսին կամ սեպտեմբերին»,-հայտարարել է Գամկրելիձեն։

Վրաստանում կորոնավիրուսով վարակվածների թիվը հասել է 208-ի։ Այդ մասին ասվում է հիվանդության մշտադիտարկման հատուկ կայքում։46 մարդ ապաքինվել է, կարանտինում 4682 մարդ կա, ստացիոնար հսկողության տակ՝ 375։ Մահացել է 3 մարդ։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան