ԵՏՀ նախագահ․ ԵԱՏՄ երկրները 2 շաբաթում պետք է պայմանավորվեն գազի գնի շուրջ

ԵՏՀ նախագահ․ ԵԱՏՄ երկրները 2 շաբաթում պետք է պայմանավորվեն գազի գնի շուրջ

PanARMENIAN.Net - ԵԱՏՄ երկրների էներգետիկայի նախարարները 2 շաբաթվա ընթացքում պետք է պայմանավորվեն ԵԱՏՄ-ի տարածքով առաքվող գազի սակագների ձևավորման վերաբերյալ, հայտարարել է Եվրասիական տնտեսական հանձնաժողովի (ԵՏՀ) կոլեգիայի նախագահ Միխայիլ Մյասնիկովիչը:

«Մինչև հիմա համաձայնեցված չեն գազի և առաքման սակագները: Այս թեման շատ արդիական է ինչպես Հայաստանի, այնպես էլ Բելառուսի համար: Այս հարցում կան որոշակի անհամատեղելի դիրքորոշումներ Ղազախստանի և Ռուսաստանի հետ: 2 շաբաթվա ընթացքում էներգետիկայի նախարարների մակարդակով նրանք պետք է լուծում գտնեն այդ խնդիրների համար», - ասել է Մյասնիկովիչը:

Մարտի 31-ին փոխվարչապետ Մհեր Գրիգորյանը Կառավարության անունից Հայաստան մատակարարվող գազի գնի փոփոխության վերաբերյալ նոր բանակցություններ սկսելու նամակով դիմել էր «Գազպրոմ» ՀԲԸ վարչության նախագահ Ալեքսեյ Միլլերին: Ապրիլի 9-ին փոխվարչապետը հայտնել էր, որ ռուսական կողմից դեռ պատասխան չկա։

2019 թվականի հունվարի 1-ից սահմանին Հայաստանը ՌԴ-ից գազը ստանում է հազար խորանարդ մետրի դիմաց $165 գնով՝ նախկին $150-ի փոխարեն։ ՀՀ-ում գազի սակագինը կազմում է 139 դրամ մեկ խորանարդի դիմաց:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---