Երթուղայինների վարորդները բողոքի ակցիա են անում` չեն աշխատում և սոցաջակցություն չեն ստանում14 ապրիլի 2020 - 13:46 AMT PanARMENIAN.Net - Երևանում բողոքի ակցիա են իրականացնում երթուղայինների վարորդները, փոխանցում է Նովոստի Արմենիան։ Պատճառն արտակարգ դրությամբ պայմանավորված երթուղայինների գործունեության արգելքն է։ Նրանք նշել են, որ չունեն եկամտի այլ աղբյուր, և ուզում են պարզել, թե պետական աջակցության որ կետով է իրենց գումար բաժին հասնում: Ակցիայի մասնակիցները հայտնել են, որ իրենց տրվող աջակցություն չկա, և ուզում են հասկանալ՝ ում դիմել սոցաջակցություն ստանալու համար։ ՀՀ աշխատանքի և սոցիալական հարցերի նախարար Զարուհի Բաթոյանը` անդրադառնալով բողոքի ակցիա իրականացնող վարորդներին, նշել է, որ նրանց համար, որպես առանձին խումբ, աջակցության ծրագիր նախատեսված չէ, սակայն նրանք կարող են դիմել սոցաջակցության մյուս ծրագրերին, եթե համապատասխանում են դրանց պահանջներին։ Մարտի 16-ից մինչև մայիսի 14-ը ՀՀ-ում արտակարգ դրություն է՝ կորոնավիրուսի տարածումը կանխելու նպատակով։ ՀՀ-ում պարետի որոշմամբ կասեցվել է հանրային տրանսպորտի գործունեությունը, պարետ Տիգրան Ավինյանի խոսքով՝ հանրային տրանսպորտը վարակի փոխանցման ամենավտանգավոր աղբյուրներից մեկն է։ Երկրում, սակայն, թույլատրված է տաքսիների և ոչ կանոնավոր ուղևորափոխադրում իրականացնողների երթևեկը։ Հայաստանում ապրիլի 14-ի դրությամբ կորոնավիրուսով վարակի 28 նոր դեպք է գրանցվել, վարակման ընդհանուր դեպքերի թիվը հասել է 1067-ի: 16 հոգի մահացել է։ Առողջապահության նախարարությունում գործում է շուրջօրյա «թեժ գիծ» ծառայություն 8003 և «օպերատիվ զանգերի կենտրոն» 060838300 հեռախոսահամարներով: Մարտի 25-ից երկրում 7 օրով գործում է քաղաքացիների տեղաշարժի սահմանափակում: Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին Հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի Քննարկվել են նաև տարածաշրջանային անվտանգությանն առնչվող հարցեր |