ԱՄՆ նորընտիր նախագահը չի ճանաչի Հայոց ցեղասպանությունը, գտնում է Անդրանիկ Թեւանյանը

PanARMENIAN.Net - «Եւ' Թուրքիան, եւ' Հայաստանը լրջորեն հետաքրքրված են հայ-թուրքական սահմանի բացման գործում, բայց անհրաժեշտ է հաշվի առնել, որ դրանից Թուրքիայի տնտեսությունն ավելի շատ կշահի, քան մերը»,- պատասխանելով PanARMENIAN.Net ի թղթակցի հարցին` հայտնել է «Պոլիտէկոնոմ» ինստիտուտի տնօրեն Անդրանիկ Թեւանյանը: Նրա խոսքերով, հայ-թուրքական հարաբերությունների ջերմացման հետ մեկտեղ որոշակի անկում է նկատվում Հայոց ցեղասպանության միջազգային ճանաչման գործընթացում եւ, Թեւանյանի կարծիքով, հայկական լոբբին ավելի պասիվ է դարձել այդ հարցում: «Հաշվի առնելով այդ հանգամանքները` այժմ արդեն կարելի է հաստատ ասել, որ ԱՄՆ նորընտիր նախագահ Բարակ Օբաման ապրիլի 24-ի ավանդական ելույթի ժամանակ չի ճանաչի Հայոց ցեղասպանությունը: Ես արդեն համոզված եմ, որ Օբաման այդ քայլին չի գնա, եւ դա հիմնավորված է նրանով, որ Երեւանի ու Անկարայի միջեւ հարաբերությունները կարգավորման հեռանկարներ ունեն, եւ նա չի ցանկանա ձախողել հայ-թուրքական հարաբերությունների կարգավորման գործընթացը»,- գտնում է Անդրանիկ Թեւանյանը:
 Ուշագրավ
Նա հավելել է, որ ՀՀ-ն իրավունք է վերապահում խնդիրը լուծել ուժի կիրառմամբ
Նշվում է, որ իրադրության հետագա սրման ամբողջ պատասխանատվությունն ընկնում է Ադրբեջանի ղեկավարության վրա
«ԿԸՀ-ն այս շաբաթ մանդատները գրանցելու արձանագրությունը կկազմի»,-ասել է ԿԸՀ քարտուղարը