«Հարգանք տածելով Ձեր հանդեպ, խնդրում ենք չմեկնաբանել Հայոց ցեղաասպանության թեման թուրքական մամուլում, թուրք լրագրողներին կամ պաշտոնյաներին, քանի դեռ նրանք պաշտոնապես չեն ճանաչել Հայոց ցեղասպանությունը»,-ասվում է Գլենդեյլի հայ համայնքի նամակում, որը հղված է «Gomidas» հիմնադրամի նախագահ, անգլահայ պատմաբան Արա Սարաֆյանին: «Մենք չենք ցանկանում հիշեցնել ձեզ, որ թուրքերը երզաում են առանց հայերի Հայաստանի մասին, եւ ծիծաղելի է գիտակցել, որ դուք դա դեռեւս չեք հասկացել...»,-ասվում է նամակում:

Պատմաբան Արա Սարաֆյանը հայտնի է իր բազմաթիվ հոդվածներով եւ ելույթներով թուրքական մամուլում, որտեղ կոչ է անում համատեղ հայ-թուրքական հանձնաժով ստեղծել, որը կուսումնասիրի 1915 թվականի իրադարձությունները:

Առաջին աշխարհամարտի տարիներին Օսմանյան կայսրությունում Արեւմտյան Հայաստանի վեց վիլայեթներից ու Ստամբուլից բռնագաղթվեց շուրջ 2 մլն հայ, նրանցից 1,5 մլն ոչնչացվեց: Բոլոր պատմական հետազոտություններում դա որակվում է որպես 20-րդ դարի առաջին ցեղասպանություն: