ՊԵԿ. ԱԱՀ-ի փոխհատուցվող գումարի վերադարձը մոտ 9 օրով կրճատվում է 25 մայիսի 2020 - 17:47 AMT PanARMENIAN.Net - Ավելացված արժեքի հարկի փոխհատուցվող գումարների վերադարձի ժամկետը կրճատվում է օրացուցային մոտ 9 օրով, հայտնում են Պետական եկամուտների կոմիտեից՝ հավելելով, որ պատճառը կորոնավիրուսի տարածման ընթացքում տնտեսավարողների մոտ ընթացիկ իրացվելիության հետ կապված ռիսկերի մեղմումն է։ ՊԵԿ-ից նշում են, որ տարեցտարի մեծանում է ԱԱՀ վճարող տնտեսավարող սուբյեկտների համար ԱԱՀ-ի փոխհատուցվող գումարի չափը։ Մասնավորապես, 2020 թվականի հունվար-ապրիլին, 2019-ի նույն ժամանակահատվածի համեմատ, միասնական հաշվին ԱԱՀ-ի փոխհատուցվող մոտ 5․7 մլրդ դրամով ավելի գումար է մուտքագրվել, աճը կազմել է 15․8%: 2020-ի հունվար-ապրիլ ամիսներին, 2019-ի նույն ժամանակահատվածի համեմատ ԱԱՀ-ի զրոյական դրույքաչափով հարկվող գործարքներից առաջացած ԱԱՀ-ի փոխհատուցվող գումարների մասով միասնական հաշվին ավելի է մուտքագրվել մոտ 334 մլն դրամի չափով գումար, աճը՝ 1․4%: 2020-ի հունվար-ապրիլ ամիսներին, նախորդ տարվա նույն ժամանակահատվածի համեմատ ԱԱՀ-ի փոխհատուցվող դեբետային գումարների մասով միասնական հաշվին ավելի է մուտքագրվել մոտ 5․4 մլրդ դրամ, աճը կազմել է 44․6%: ՊԵԿ-ից հայտնում են նաև, որ 2020 թվականի հունվար-ապրիլ ամիսներին աճ է արձանագրվել նաև հիփոթեքային վարկի տոկոսների մարմանն ուղղվող եկամտային հարկի գումարների մասով: 2020-ի հունվար-ապրիլին նախորդ տարվա նույն ժամանակահատվածի համեմատ վարկառուներին (համավարկառուներին) հիպոթեքային վարկի սպասարկման համար վճարվող տոկոսների գծով եկամտային հարկի գումարը ավելի է կազմել մոտ 1․4 մլրդ դրամ, կամ աճը կազմել է 71․4%:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր G7-ի երկրները կոչ են արել Բաքվին կատարել հումանիտար իրավունքի իր պարտավորությունները  Նրանք նաև կոչ են արել Երևանին և Բաքվին հավատարիմ մնալ խաղաղ գործընթացինftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասինԼավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը»Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |
