Գերմանիայում սովորում են մարդաշատ միջոցառումներ անել՝ սոցհեռավորության վրա (Ֆոտո) 4 հունիսի 2020 - 16:52 AMT PanARMENIAN.Net - Հարմարվելով Covid-19-ի հետևանքով առաջացած իրավիճակին և սովորելով ապրել դրա հետ՝ գերմանացիները կարողացել են հետաքրքիր լուծումներ գտնել, որոնց շնորհիվ երկրում մասսայական մշակութային միջոցառումները շարունակվում են՝ առանց սոցիալական հեռավորությունը խախտելու: Ինչպես հայտնում է Deutche Welle-ն, մասնավորապես, Մյունստերի համալսարանի տարածքում մայիսի 21-ին առաջին ռեյվն է եղել, որտեղ, որտեղ մասնակիցները պարում էին միմյանցից 1.5 մետր հեռավորության վրա գտնվող շրջանակներում: Նախկինում հավաքվող 2000 մասնակցի փոխարեն այս տարի միջոցառմանն այցելելու հնարավորություն ունեին միայն 100-ը: Չնայած տոմսերի բարձր գնին (մի տոմսի արժեքը 70 եվրո)՝ դրանք գնվել էին 15 րոպեում: Բեռլիների անսամբլի թատրոնը, իր հերթին, մայիսի 26-ին Twitter-ում հրապարակել էր «նոր իրականությանը» համապատասխան լուսանկար, որտեղ նստատեղերի միջև հեռավորությունը զգալի ավելացված էր:
Չի չեղարկվել նաև Գերմանիայի ամենամեծ ամառային փառատոններից մեկը՝ The Dresden Palais Sommer-ը: Մոտ 100 միջոցառմամբ ընթացող փառատոնը տեղի կունենա ծրագրին համապատասխան՝ հուլիսի 17-ից օգոստոսի 23-ը: Ոգեշնչված ԱՄՆ այգիների օրինակներով՝ ճապոնական պալատի դիմաց գտնվող այգում շրջանակներ են գծվելու՝ մասնակիցների հեռավորությունն ապահովելու համար:
Հեռավորության պահպանմանն աշխատում են հետևել նաև գերմանական ռեստորանները: Դրանցից որոշները դատարկ նստատեղերին փափուկ խաղալիքներ են դնում կամ, ինչպես, օրինակ, Բուրգեր Քինգում հաճախորդներին տրամադրվում են մեծ գլխարկներ, որոնք կրելով՝ այցելուներն արդեն ակամայից միմյանցից պահպանում են անհրաժեշտ հեռավորությունը:
Քանի որ հեռավորության պահպանումը ազդեցություն է ունեցել նաև կրոնական կյանքի վրա, Ֆրանկֆուրտից ոչ հեռու գտնվող Ուեցլար քաղաքում IKEA-ն համաձայնել է ավտոկայանատեղիում տարածք հատկացնել տեղական մզկիթի համար, որտեղ մայիսի 24-ին հավատացյալները հնարավորություն ունեցան ապահով հեռավորության վրա աղոթել: Բեռլինյան եկեղեցիներից մեկը նույնպես թույլատրել է իսլամի հետևորդներին իր տարածքում ուրբաթօրյա աղոթքներ իրականացնել:
Չնայած կորոնավիրուսային հիվանդությամբ վարակման դեպքերի նվազմանը՝ Գերմանիայի կառավարությունը հայտնել է, որ երկրում շարունակվելու են սոցիալական հեռավորությանն ուղղված բոլոր անհրաժեշտ միջոցառումները մինչև հունիսի 29-ը: Համաձայն Առողջապահության համաշխարհային կազմակերպության տվյալների՝ Գերմանիայում հաստատվել է Covid-19-ի վարակման 182.370, իսկ մահվան՝ 8551 դեպք: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Հարությունյան․ Ոսկեպարի ճանապարհի դելիմիտացիայի հարցն առայժմ օրակարգում չէ, Կիրանցի մասում մի փոքր հատված կա, որի հարցը կլուծվի Նա հավելել է, որ վարչապետն ականջալուր է եղել ոսկեպարցիներին Ռուբեն Վարդանյանի որդին՝ Le Figaro–ին․ Ապրիլի սկզբից շփում չկա, չափազանց անհանգիստ ենք Վարդանյանն ապրիլի 5–ից հացադուլ է հայտարարել ադրբեջանական բանտում Գիշերը տավուշցիները Բաղանիսի և Կիրանցի հատվածում միջպետական ճանապարհ են փակել Հավաքվածները պնդում էին, որ միակողմանի զիջումներով սահմանազատման և սահմանագծման գործընթացն ապօրինի է Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից |