Քանյե Ուեսթը կվճարի ԱՄՆ-ում սպանված Ֆլոյդի դստեր ուս.վարձը

PanARMENIAN.Net - Ամերիկացի հայտնի ռեփեր Քանյե Ուեսթը նվիրտավություն է կատարել, որով հնարավոր կլինի վճարել ԱՄՆ-ում ոստիկանների կողմից սպանված աֆրոամերիկացի Ջորջ Ֆլոյդի դստեր ուսման վարձը։

Այդ մասին հայտարարել է ռեփերի պաշտոնական ներկայացուցիչը։ Նվիրատվության ընդհանուր գումարը $2 մլն է, որի մի մասով կվճարվի 6-ամյա Ջաննա Ֆլոյդի քոլեջի ուսման վարձին։ Միջոցների մի մասը փոխանցվել է սպիտակամորթ ամերիկացիների և ոստիկանների մյուս սևամորթ զոհերի՝ Ահմադ Արբերիի և Բրեոննա Թրեյլերի հետ շաղկապված բարեգործական հիմնադրամներին, գրում է ՌԲԿ-ն։

Ֆլոյդի մահը, որին սպանել են մայիսի 25-ին, զանգվածային բողոքի ցույցերի և անկարգությունների ալիք է բարձրացրել ԱՄՆ-ում։

Միջոցների մի մասն էլ կփոխանցվի Ուեսթի հայրենի Չիկագո քաղաքում բռնության զոհերին օգնող բարեգործական հիմնադրամներին, ինչպես նաև կուղղվի աֆրոամերիկացիների բիզնեսի աջակցությանը։

Ֆլոյդը մահացել է մայիսի 25-ին, երբ սպիտակամորթ ամերիկացի ոստիկանը գրեթե 10 րոպե խեղդել է նրան ծնկով՝ բերման ենթարկելիս։ 46-ամյա տղամարդը օգնության է կանչել մինչև գիտակցությունը կորցնելը։ Ոստիկանը ձերբակալվել է, նրան անզգուշությամբ սպանության մեղադրանք է առաջադրվել։

Մինեապոլիսում և այլ քաղաքներում սկսված ցույցերը վերաճել են անկարգությունների և ոստիկանության հետ բախումների։ Ոստիկանության 114 աշխատակից է տուժել։ ԱՄՆ բազմաթիվ քաղաքներում պարետային ժամ է սահմանվել և գործի է դրվել Ազգային գվարդիան։

Հունիսին 4-ին Մինեապոլիսում վերջին հրաժեշտն են տվել Ֆլոյդին։ Արարողության ժամանակ սևամորթների իրավունքների պաշտպանությամբ հայտնի քրոզիչ Ալֆրեդ Շարփթոնը մեղադրել է նախագահ Դոնալդ Թրամփին Ֆլոյդի մահը քաղաքական նպատակներով օգտագործելու մեջ։