ԱԺ-ն Ծառուկյանին ազատությունից զրկելու համաձայնություն տվեց

ԱԺ-ն Ծառուկյանին ազատությունից զրկելու համաձայնություն տվեց

PanARMENIAN.Net - Ազգային ժողովը 87 ձայնով կողմ է քվեարկել «Բարգավաճ Հայաստան» խմբակցության ղեկավար, ԱԺ պատգամավոր Գագիկ Ծառուկյանին ազատությունից զրկելու մասին Գլխավոր դատախազի միջնորդությանը։

Քվեարկությանը չեն մասնակցել «Լուսավոր Հայաստան» և «Բարգավաճ Հայաստան» կուսակցությունները։

ՀՀ գլխավոր դատախազ Արթուր Դավթյանը միջնորդել էր Ծառուկյանին ազատությունից զրկելու, նրա նկատմամբ կալանավորումը որպես խափանման միջոց ընտրելու վերաբերյալ։

ԱԺ-ն մինչև այս կողմ էր քվեարկել Ծառուկյանին անձեռնմխելիությունից զրկելուն։

ԱԺ-ում քննարկվում է Ծառուկյանին անձեռնմխելիությունից զրկելու հարցը։ Հունիսի 14-ի առավոտյան ԱԱԾ-ն խուզարկություն էր սկսել Ծառուկյանի տանը, որը մոտ 4 ժամ տևեց։ Ըստ ԱԱԾ-ի՝ նրան պատկանող խաղատունը ՀՀ-ին 30 մլրդ դրամի վնաս է հասցրել, իսկ 2017-ին ԲՀԿ-ն հարյուր միլիոնավոր դրամների ընտրակաշառք է բաժանել։ Ծառուկյանը շանտաժ ու քաղաքական ճնշում էր որակել իր տան խուզարկությունն ու ԱԱԾ-ում հարուցած քրգործը։ Խուզարկությունից հետո Ծառուկյանին տեղափոխել էին ԱԱԾ, որտեղ նա մոտ 9 ժամ հարցաքննվել էր։

 Ուշագրավ
Նա մեկնել է կարճատև աշխատանքային այցով
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը