Վարչապետ․ Ժողովուրդը «ղազագիր» գրողների վզից բռնելու է և ԱԺ-ից դուրս շպրտի

Վարչապետ․ Ժողովուրդը «ղազագիր» գրողների վզից բռնելու է և ԱԺ-ից դուրս շպրտի

PanARMENIAN.Net - Հայ ժողովուրդը ղազագրի վրա հիմնված քաղաքական գործիչների վզներից բռնելու և դուրս է շպրտելու ԱԺ դահլիճից, խորհրդարանում հայտարարել է վարչապետ Նիկոլ Փաշինյանը։

Ղազագիրը հնազանդություն, հպատակություն արտահայտող գրությունն է։

ԱԺ-ում Փաշինյանն արձագանքել է անկախ պատգամավոր Տիգրան Ուրիխանյանին, ով հեգնանքով էր խոսել պաշտպանության նախարար Դավիթ Տոնոյանի մասին։ Ուրիխանյանը հարցրել է` դահլիճում է արդյոք իր «սիրած top 10 of the ministers պաշտպանության նախարարը»:

Փաշինյանը նշել է, որ ԱԺ-ում դեռ կան մարդիկ, որոնք երրորդ երկրների չորրորդ կարգի պաշտոնյաների հետ վերաբերում են որպես ղեկավարի, իսկ «ժողովրդի վստահության քվեով ձևավորված կառավարության կամ դրա առանձին անդամի մասին կարող են խոսել հեգնանքով»։

«Ընդ որում խոսքը նաև այնպիսի մարդկանց մասին է, ում քաղաքական կարիերան, ինչպես օրերս պարզվեց, հենված է մեկ իրողության վրա, որը լայն ժողովրդական շրջանակներում անվանում են ղազագիր։ Ուզում եմ ասել, որ պարզվում է՝ այդ մարդիկ սովոր են հարգալից վերաբերվել միայն այն պարագաներում, երբ հարգալից չլինելն իրենց համար կարող է կոնկրետ ֆիզիկական սպառնալիք առաջացնել։ Սա անընդունելի է, համոզված եմ, որ հայ ժողոովուրդը ղազագրի վրա հիմնված գործունեություն ծավալող անձանց և ուժերի վզներից բռնելու է և այս դահլիճից դուրս շպրտի»,-ասել է նա։

Ավելի վաղ ԱԱԾ-ն «Բարգավաճ Հայաստան» խմբակցության ղեկավար Գագիկ Ծառուկյանի տան խուզարկությունից կադրեր էր հրապարակել, որտեղ երևում էին, որ 2017-ի ընտրություններից առաջ մի շարք պատգամավորներ, այդ թվում նաև Ուրիխանյանը, հատուկ գրություն են ուղղել Ծառուկյանին՝ խոստանալով համապատասխան թվով ձայներ չհավաքելու դեպքում մանդատ չվերցնել։

 Ուշագրավ
Վարչապետն առաջարկել է Առողջապահության նախարարի պաշտոնում նշանակել Անահիտ Ավանեսյանին
Արփի Դավոյանի խոսքով՝ շահարկվում է Սյունիքի անվտանգության, գերիների ու հետպատերազմական իրավիճակի հարցը
132 պատգամավորից քվեարկությանը մասնակցել են 84-ը, 4 հոգի դեմ է քվեարկել, 2 քվեաթերթիկ անվավեր է համարվել
Իրականացվում են սահմանների պահպանության համատեղ աշխատանքներ