Սևանում կթույլատրվի միայն սիգ ու կարաս որսալ

Սևանում կթույլատրվի միայն սիգ ու կարաս որսալ

PanARMENIAN.Net - Կառավարության ընդունած նոր օրինագծով արգելվում է Սևանա լճում արդյունագործական որսը՝ բոլոր ձկնատեսակների համար, բացի սիգից և կարասից։ Ձկների արդյունագործական որսն իրականացվում է դնովի ցանցերով (ցանցավանդակի կառուցողական քայլի չափը 40 մմ և ավելի) և օրվա լուսային ժամերին։

Արդյունագործական ձկնորսության նպատակով Սևանա լիճ լողամիջոցների մուտքն ու ելքը կիրականացվի միմիայն նախագծում նշված 17 տեղամասերից։

Սևանում շրջակա միջավայրի նախարարությունը սահմանում է ձկան որսի վերահսկողության նոր գործիքներ, որոնք թույլ կտան արդյունավետ պայքարել ապօրինի ձկնորսության դեմ և գործուն քայլեր ձեռնարկել Սևանի ձկնապաշարների վերականգնման ուղղությամբ։

Ըստ նախագծի՝ սիգի որսն իրականացվում է Մեծ Սևանի ամբողջ տարածքով, ափից առնվազն 500 մ հեռավորության վրա։

Ձկնորսության համար թույլատրելի քաշ է սահմանվում ոչ պակաս, քան 500 գրամը։ Հաշվի առնելով ձկների ձվադրման շրջանը՝ որսն արգելվում է հոկտեմբերի 1-ից մինչև 2021-ի մարտի 1-ը։

Նշվում է, որ ձկնագողության հետևանքով Սևանում մի շարք խնդիրներ են առաջացել, որոնք անհապաղ լուծման կարիք ունեն։

 Ուշագրավ
ՌԱԷԿ-ի մասնագետները ներկայացրել են տեխնիկական սպասարկման և վերանորոգման ուղղությամբ տարվող աշխատանքը
Նա հավելել է, որ էկոնոմիկայի նախարարությունը բիզնեսի համար առավել կոնկրետ առաջարկներով հանդես կգա
Իրանից ներմուծվող ապրանքները մաքսազերծվում են այն գներով, որ տեղական արտադրողը չտուժի
Փոխնախարարի խոսքով՝ համակարգի շահառուների թիվը սրընթաց աճում է, և դա «ռիսկ է, որի հետ պետք է հաշվի նստել»