Սիմոնյան․ ՌԴ դեսպանն ինձ հետ հանդիպելու ցանկություն ունի

Սիմոնյան․ ՌԴ դեսպանն ինձ հետ հանդիպելու ցանկություն ունի

PanARMENIAN.Net - ԱԺ փոխնախագահ Ալեն Սիմոնյանը, պատասխանելով ՀՀ ներքաղաքական զարգացումների, մասնավորապես` ԲՀԿ-ի քաղաքական հետապնդման վերաբերյալ հայտարարություններին միջազգային արձագանքների մասին հարցին, ասել է, որ այս պահի դրությամբ որևէ արձագանք չունի։

Նա նշել է, որ իր հետ հանդիպելու ցանկություն է հայտնել ՀՀ-ում ՌԴ դեսպան Սերգեյ Կոպիրկինը, հանդիպումը դեռ չի կայացել, տեղեկացնում է «Ազատություն» ռադիոկայանը։

Սիմոնյանը հիշեցրել է, որ հանդիսանում է հայ-ռուսական միջխորհրդարանական բարեկամական խմբի ղեկավարը։

«Ես զրույց եմ ունեցել ՌԴ իմ գործընկեր, Ռուսաստանի Դաշնային ժողովի փախնախագահի հետ, և որևիցէ նման հարց չենք քննարկել: Իսկ մնացած գործընկերների առումով, այս պահի դրությամբ, ես որևէ արձագանք չունեմ»,-ասել է նա:

ԱԺ փոխնախագահը նշել է նաև, որ երբ խոսքը քրեական գործի մասին է, լուրջ գործընկերները, որոնք գիտեն իշխանությունների գործելաոճը, դժվար թե շտապեն և հախուռն հայտարարություններ անեն։

Ավելի վաղ հայտնի դարձավ, որ Հայաստանում ՌԴ դեսպան Սերգեյ Կոպիրկինը հանդիպել է «Բարգավաճ Հայաստան» կուսակցության պատգամավորներ Վահե Էնֆիաջյանի և Միքայել Մելքումյանի հետ: Խորհրդարանականներն իրենց տեսակետներն են ներկայացրել ներքաղաքական օրակարգի որոշ ասպեկտների վերաբերյալ:

Հունիսի 16-ին ԱԺ-ն որոշել է զրկել Ծառուկյանին անձեռնմխելիությունից և թույլատրել նրա նկատմամբ քրեական հետապնդում սկսել։

Հունիսի 14-ի առավոտյան ԱԱԾ-ն խուզարկություն էր սկսել Ծառուկյանի տանը, որը մոտ 4 ժամ տևեց։ Ըստ ԱԱԾ-ի՝ նրան պատկանող խաղատունը ՀՀ-ին 30 մլրդ դրամի վնաս է հասցրել, իսկ 2017-ին ԲՀԿ-ն հարյուր միլիոնավոր դրամների ընտրակաշառք է բաժանել։ Ծառուկյանը շանտաժ ու քաղաքական ճնշում էր որակել իր տան խուզարկությունն ու ԱԱԾ-ում հարուցած քրգործը։ Խուզարկությունից հետո Ծառուկյանին տեղափոխել էին ԱԱԾ, որտեղ նա մոտ 9 ժամ հարցաքննվել էր։

 Ուշագրավ
Մարուքյանն ասել է՝ չի վստահում վարչապետի խոսնակին ու իրենց հայտարարություններին
Հանդիպման նախաձեռնողը ՀՀ նախագահն է
Նա նշել է, որ ՀՀ և ՌԴ ՊՆ-ների միջև շատ ինտենսիվ շփումներ կան