ՍԴ փոխնախագահ. ԱԺ օրինագիծն ինձ չի վերաբերում23 հունիսի 2020 - 14:56 AMT PanARMENIAN.Net - ՍԴ փոխնախագահ Ալվինա Գյուլումյանը լրագրողների հետ ճեպազրույցում հայտարարել է, որ Ազգային ժողովում ընդունված նախագիծն իր վրա չի տարածվում։ Հունիսի 22-ին Ազգային ժողովն արտահերթ նիստում ընդունել է Սահմանադրության փոփոխությունների նախագիծը։ Օրակագրում մեկ հարց էր՝ «ՀՀ Սահմանադրության փոփոխությունների» նախագիծը։ Այն, մասնավորապես ենթադրում է Հրայր Թովմասյանի՝ ՍԴ նախագահի լիազորությունների դադարեցում։ Նախագծի համաձայն՝ ՍԴ 12 տարի պաշտոնավարած դատավորները պետք է հեռանան պաշտոնից։ «Փոփոխությունն ինձ վերաբերել չի կարող, քանի որ պաշտոնավարում եմ 2014-ի օգոստոսից, ավելի ճիշտ հոկտեմբերի 1-ից, երբ անցել եմ պարտականությունների կատարմանը»,- ասել է Գյուլումյանը: Նա նշել է նաև, որ ԱԺ-ում ընդունված նախագծին իրավական գնահատական տալ չի կարող, քանի որ այն կարող է ներկայացվել ՍԴ քննարկման։ Գյուլումյանն ասել է նաև, որ պայքարելու է իր իրավունքների համար՝ նշելով, որ դատավորները՝ սպառելով ներպետական ատյանները, կարող են դիմել Եվրոպական դատարան: Նա հավելել է, որ ինքն անձմաբ դիմելու է այդ քայլին, քանի որ ավելի քան վստահ է՝ բոլոր հիմքերն ունի գործը մինչև վերջ հասցնելու և հաղթանակելու համար։ «Հրանտ Նազարյանը և Ֆելքիս Թոխյանը նույնպես, կարծում եմ, որ չեն լռի, բայց դա իրենց որոշելիք հարցն է: Դա իմ կարծիքն է»,- ասել է ՍԴ դատավորը: Գյուլումյանը նշել է, որ նախագիծը, գուցե վերաբերի այն դատավորներին, որոնք պաշտոնավարել են 12 տարի անընդմեջ։ ԱԺ-ն նաև ընդունել է կանոնակարգ սահմանադրական օրենքում փոփոխությունները, ըստ որոնց Սահմանադրական փոփոխությունները հաստատման համար չեն ուղարկվի նախագահի քննարկմանը: Ընթերցեք նաև․ Թովմասյան․ ԱԺ ընդունած օրինագծին ծանոթ չեմ, ՍԴ-ն այն չի ստացել Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Լեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21 Կիրանցեցիները փակել են Ոսկեպար տանող ճանապարհը Նրանք նշել են, որ հաշվի չեն առնվել իրենց դիտարկումները ՌԴ ԱԳՆ․ ՀՀ կողմից ՀԱՊԿ–ի ֆինանսավորման դադարեցումը ողբերգություն չէ Նա հավելել է, որ կազմակերպությունը շարունակում է աշխատանքը Porsche 911 մոդելի առաջին հիբրիդային տարբերակի մշակումը հաջողությամբ ավարտվել է Համաշխարհային պրեմիերան՝ մայիսի 28-ին |