Զորակոչիկները ՊՆ-ին նվիրած արագ թեստերով են թեստավորվելու 1 հուլիսի 2020 - 16:49 AMT PanARMENIAN.Net - Հուլիսի 1-ին մեկնարկել է ամառային զորակոչի՝ զորամասերը համալրելու փուլը։ Բոլոր զորակոչիկները թեստավորվելու են վիճակահանությանը մասնակցելուց առաջ՝ արագ հակամարմիններ հայտնաբերող թեստերով։ Ախտորոշումը կատարվելու է իմունոֆերմենտային եղանակով ախտորոշման միջոցով։ Արյան անալիզի միջոցով, կախված հակամարմինների տեսակից, հնարավոր է լինում պարզել՝ մարդը կորոնավիրուսի ակտիվ, թե նախկին վարակակիր է։ Զորակոչիկները, որոնց մոտ հակամարմիններ կհայտնաբերվեն, կթեստավորվեն նաև ՊՇՌ թեստերով: Պաշտպանության նախարարությանը թեստերը նվիրել է «Թովմասյան» բարեգործական հիմնադրամը։ PanARMENIAN.Net ի հարցին, թե ինչու են զորակոչիկները թեստավորվում հակամարմինների հայտնաբերման եղանակով և ոչ Պոլիմերազային Շղթայական Ռեակցիայի (ԴՆԹ-ի ամպլիֆիկացիա) մեթոդով, ՀՀ պաշտպանության նախարարի մամուլի խոսնակ Շուշան Ստեփանյանն ասաց, որ այս տեսակի թեստերի ընտրությունը կապված է ոչ թե դրանց հասանելիության, այլ արագության հետ։ Ստեփանյանի խոսքով՝ այն զորակոչիկները, որոնց մոտ հակամարմիններ կհայտնաբերվեն, կթեստավորվեն նաև ՊՇՌ թեստերով։ Այս նպատակով ՊՆ Կենտրոնական հավաքակայանում ծավալվել է հատուկ լաբորատորիա։ Հայաստանում ամառային զորակոչը մեկնարկել է մայիսի 1-ից, սակայն զորակոչիկները զորամասեր կուղևորվեն հուլիսից մինչև օգոստոսի վերջ։ Իսկ զորացրումը Covid-19-ի պատճառով չի հետաձգվի և կիրականացվի հուլիսի 1-ից օգոստոսի 11-ը։ Զորակոչիկներին և նրանց սպասարկող անձնակազմին տրվում է դիմակ, ձեռնոց, ալկոգել։ Ավելացվել է զորակոչիկներին տեղափոխող տրանսպորտային միջոցների թիվը։ Վիճակահանության համար օգտագործվում են բաց տարածքները։ Զորակոչիկները չեն գիշերի Կենտրոնական հավաքակայանում, այլ միանգամից կմեկնեն զորամասեր։ Կմեկուսացվեն ջերմություն ունեցողները։ Բոլորը զորամասում 14 օր կգտնվեն առանձնացված տեղամասում։ Իսկ նորակոչիկների հետ աշխատող անձնակազմը ծառայությունը կիրականացնի զորանոցային ռեժիմով։ Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |