ԱՄՆ-ն գնել է Covid-19-ի դեմ օգտագործվող «Ռեմդեսիվիր» դեղամիջոցի համաշխարհային պաշարները

ԱՄՆ-ն գնել է Covid-19-ի դեմ օգտագործվող «Ռեմդեսիվիր» դեղամիջոցի համաշխարհային պաշարները

PanARMENIAN.Net - ԱՄՆ նախագահ Դոնալդ Թրամփի ադմինիստրացիան գնել է Covid-19-ի դեմ պայքարում օգտագործվող«Ռեմդեսիվիր» դեղամիջոցի ավելի քան 500,000 դեղաչափ, որն ընկերության հուլիս, օգտոստոս և սեպտեմբեր ամիսների ամբողջ արտադրանքն է և համաշխարհային ամբողջ պաշարը։ Ըստ տեղեկությունների՝ 6 դեղաչափի համար ԱՄՆ-ն վճարել է մոտ $3200։

«Ռեմդեսիվիրն» արտադրում է Gilead ամերիկյան ընկերությունը։ Առաջին խմբաքանակը՝ 140,000, փորձարկվել է ամբողջ աշխարհում, և ցույց է տվել, որ արագացնում է կորանավիրուսից բուժման ընթացքը։

The Guardian-ը գրում է, որ ԱՄՆ վարքն անհանգստացրել է միջազգային հանրությանը և փորձագետներին։ Նրանք մտահոգված են ազգայնականության հնարավոր դրսևորումներով, երբ կստեղծվի Covid-ի պատվաստանյութը։

ԱՄՆ-ում վարակվածների թիվն անցնում է 2,653,200-ից, մահվան դեպքերը՝ 127,400-ից։ Վարակվածության աստիճանը բարձր է Կալիֆոռնիա, Տեխաս, Ֆլորիդա, Իլինոյս նահանգներում։ Մոտ 400,000 վարակված կա միայն Նյու Յորքում։ Մինչ այս օրական հայտնաբերված դեպքերի ամենաբարձր ցուցանիշը գրանցվել է հունիսի 26-ին՝ 45,500 վարակված։

Photo. Reuters
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին