Պուտինը ՌԴ է «հրավիրում» աշխատող-միգրանտների

Պուտինը ՌԴ է «հրավիրում» աշխատող-միգրանտների

PanARMENIAN.Net - Ռուսաստանը հետաքրքրված է երկիր աշխատող-միգրանտների հոսքով, քանի որ սպասվելիք աշխատուժի պակասը տնտեսության աճի համար լուրջ խոչընդոտ է։ Այս մասին, ՌԻԱ Նովոստիի փոխանցմամբ, հայտարարել է նախագահ Վլադիմիր Պուտինը։

«Նրանք պետք է լինեն երիտասարդ, կրթված, առողջ մարդիկ, որոնք պատրաստ կլինեն կամ կրթություն ստանալու և ապա անցնելու աշխատանքի կամ, ունենալով մեզ անհրաժեշտ որակավորման կամ մասնագիտության համապատասխան մակարդակ, միանգամից անցնել աշխատանքի», – ասել է ՌԴ նախագահը։

EADaily-ն գրում է, որ Ղրղզստանից, Ուզբեկստանից, Տաջիկստանից հազարավոր գաստարբայտերներ կորոնավիրուսի պատճառով ծանր իրավիճակում են հայտնվել՝ կորցրել են աշխատանքը և չեն կարողանում վերադառնալ տուն՝ փակ սահմանների պատճառով։ Պետություններն իրենց քաղաքացիներին տարհանում են, սակայն ոչ խնդրի լուծման համար անհրաժեշտ տեմպերով։ Օրինակ՝ ըստ Ղրղզստանի դեսպանության տվյալների՝ 7500-ից ավելի մարդ դիմել է՝ Ռուսաստանը լքելու համար։

Հայաստանը նույնպես Ռուսաստանից տարհանում է աշխատանքը կորցրած ՀՀ քաղաքացիներին։

 Ուշագրավ
Հայտնի է, որ ահաբեկիչներից մեկը «Իսլամական պետություն» խմբավորման համակիր է
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել