Արցախում կորոնավիրուսի նոր օջախ կա․ Փաստացի բուժվում է 25 հոգի

Արցախում կորոնավիրուսի նոր օջախ կա․ Փաստացի բուժվում է 25 հոգի

PanARMENIAN.Net - Հուլիսի 7-ի դրությամբ կորոնավիրուսի վարակի նոր օջախ է հայտնաբերվել Ստեփանակերտում, գրանցվել է վարակման 1 նոր դեպք, հայտնում են Արցախի առողջապահության նախարարությունից։

Կորոնավիրուսով հիվանդ քաղաքացու շփման շրջանակը պարզվում է, թեստավորման նպատակով կոնտակտավորներից նմուշառում է իրականացվում:

«Այս պահին մեկուսացված է 82 հոգի, հիվանդությունը փաստացի հաղթահարում է 25 քաղաքացի: Քրոնիկ հիվանդություններ և երկկողմանի թոքաբորբ ունեցող պացիենտի առողջական վիճակը շարունակում է ծանր մնալ: 3 հիվանդի առողջական վիճակը միջին ծանրության է: Ընդհանուր առմամբ, կատարվել է 2350 թեստավորում»,-ասվում է հաղորդագրության մեջ։

Արցախում հուլիսի 7-ին կորոնավիրուսով վարակված ևս 2 պացիենտ հաղթահարել է վարակը և լքել մեկուսացման վայրը:

Արցախում կորոնավիրուսից մահվան դեպքեր չկան։ Վարակման դեպքերի ընդհանուր թիվը 136 է, 111 առողջացած կա։

 Ուշագրավ
Վիզայի հնարավոր տրամադրումը չի երաշխավորում տարածք անհապաղ մուտքի հնարավորություն
«Խաղաղությունն ավելի ուշ հաստատվեց, քան առաջարկվել էր կողմերին»,-ասել է նա
Այդ մասին հայտնել է Վրաստանի էկոնոմիկայի և կայուն զարգացման նախարարը
ԱԳՆ-ն մշտական կապի մեջ է Երուսաղեմի Հայոց պատրիարքարանի հետ