ՄԱԿ․ ԱՄՆ-ի կողմից իրանցի գեներալ Սոլեյմանիի սպանությունն անօրինական էր

ՄԱԿ․ ԱՄՆ-ի կողմից իրանցի գեներալ Սոլեյմանիի սպանությունն անօրինական էր

PanARMENIAN.Net - 2020-ի հունվարին ամերիկյան ուժերի ավիահարվածները, որոնց հետևանքով սպանվել է իրանցի գեներալ-մայոր Ղասեմ Սոլեյմանին և ևս 9 մարդ, միջագային իրավունքի խախտում են։ Այս մասին, Reuters-ի փոխանցմամբ, հայտնել է ՄԱԿ-ի մարդու իրավունքների գծով հատուկ զեկուցողը։

Նա հայտարարել է, որ ԱՄՆ-ն չի կարողացել ներկայացնել համապատասխան ապացույցներ, որոնք կարդարացնեին ԱՄՆ շահերի համար այդ ավիահարվածների անհրաժեշտությունը:

«Գեներալ-մայոր Ղասեմ Սոլեյմանին եղել է Սիրիայում և Իրաքում Իրանի ռազմական մարտավարության ղեկավարը, սակայն ռեալ և անմիջական սպառնալիք չի ներկայացրել, այդ պատճառով ԱՄՆ գործողություններն անօրինական են»,- նշել է նա։

Սոլեյմանին իրանական «Ղոդս» ստորաբաժանման հրամանատարն էր և համակարգում էր Իրանի գործողությունները Սիրիայում։ Նա սպանվել է Բաղդադում՝ ամերիկյան ուժերի ավիահարվածի արդյունքում։ Իրանը պատասխան հարվածներ էր հասցրել ամերիկյան երկու ռազմաբազային: Պատժիչ գործողությունների ընթացքում խոցվել էր ուկրաինական քաղաքացիական ինքնաթիռ, որն Իրանի հակաօդային պաշտպանության ուժերը շփոթել էին ԱՄՆ ԶՈւ ինքնաթիռի հետ։ Զոհվել էր 176 քաղաքացիական։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին