Միակը տարածաշրջանում․ Հայկական EasyPay-ը թողարկել է նոր AirPay վճարամիջոց 9 հուլիսի 2020 - 18:32 AMT PanARMENIAN.Net - Հաշվի առնելով ստեղծված իրավիճակը, երբ ամեն վայրկյան կարևոր է քչացնել մարդկանց շփումը և ստեղծել հարմարավետ ծառայություններ անկանխիկ վճարումների համար, հայկական EasyPay ընկերության ծրագրավորողները ամիսներ շարունակ մշակեցին և ստեղծեցին AirPay վճարային միջոցը, որը առաջինն ու միակն է տարածաշրջանում։ EasyPay ընկերության EasyWallet օնլայն դրամապանակը թույլ է տալիս իրականացնել առցանց վճարումներ և փոխանցումներ այնտեղ, որտեղ հարմար է օգտատիրոջը։ Առանց հերթերի և անհարմարությունների վճարել կոմունալները, պետական վճարումները, վարկերը կամ փոխանցումները։ Այժմ EasyWallet հավելվածում, բոլոր նույնականացում անցած օգտատերերի համար (բանկային քարտի և անձնագրի կցում) գործում է նոր AirPay համակարգը, որի միջոցով կարելի է գումար փոխանցել ու ստանալ բառացիորեն օդով։ Գնումներ կատարելիս ընդամենը պետք է մուտք գործել հավելվածի AirPay բաժին, այնուհետև սեղմել «Փնտրել մոտակայքում» կոճակը ու հետևել հրահանգներին։ Իսկ գումար ստանալու նպատակով AirPay բաժնից պետք է սեղմել «Ստանալ» կոճակը, նշել գումարի չափը և ուղարկել հայտ։ AirPay համակարգով գումար կարելի է փոխանցել և ստանալ մինչև 10 մետր հեռավորության վրա գտնվող օգտատերերի և համակարգերի միջև։ Այս նորույթը հնարավորություն է տալիս կատարել անկանխիկ վճարում մեկ ակնթարթում՝ դրանով իսկ ներդնելով վճարման նոր եղանակ հայկական շուկայում։ Այսպիսով Հայաստանը առաջ է անցնում տարածաշրջանի այլ երկրներից իր նորարարական մոտեցմամբ վճարահաշվարկային ոլորտում։ Այս պահին աշխատանքներ են տարվում նոր համակարգի տարածման ուղղություններով, որպեսզի այն ակտիվ լինի հնարավորինս շատ խանութներում, սրճարաններում և այլ կետերում։ EasyPay-ը Հայաստանում առաջատար վճարահաշվարկային ընկերություն է։ Այն շուկայում ներկայանում է երկու հիմնական պրոդուկտներով՝ EasyPay տերմինալներով և EasyWallet հավելվածով, որն առկա է Google Play-ում և App Store-ում: Թե՛ տերմինալներով, և թե՛ EasyWallet հավելվածով կարելի է իրականացնել դրամական փոխանցումներ և վճարել 400-ից ավելի ծառայությունների դիմաց՝ կոմունալ վճարումներ, բջջային լիցքավորում, վարկերի մարում և այլն։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» Հանձնաժողովները քարտեզի վրա վերարտադրել են գյուղերի միջև ԽՍՀՄ ժամանակներում եղած սահմանները Նշվում է, որ Ադրբեջանի սահմանապահներն ավելի են մոտենալու Կիրանցին և Ոսկեպարին, «բայց նրանց բաժանելու է սահմանազատված պետական սահման» |