Փայլան․ Սբ Սոֆիան մզկիթի վերածելը կբարդացնի քրիստոնյաների և մահմեդականների կյանքը

Փայլան․ Սբ Սոֆիան մզկիթի վերածելը կբարդացնի քրիստոնյաների և մահմեդականների կյանքը

PanARMENIAN.Net - Ստամբուլի Սբ Սոֆիայի տաճարին մզկիթի կարգավիճակ տալու որոշումը կբարդացնի Թուրքիայի քրիստոնյաների և Եվրոպայի մահմեդականների կյանքը, ֆեյսբուքյան իր էջում հայտնել է Թուրքիայի քրդամետ Ժողովուրդների դեմոկրատական կուսակցության անդամ, Մեջլիսի հայ պատգամավոր Կարո Փայլանը։

«Տխուր օր քրիստոնյաների և բոլոր նրանց համար, ովքեր հավատում են բազմակարծություն ունեցող Թուրքիային: Սուրբ Սոֆիային մզկիթի կարգավիճակ վերադարձնելը կբարդացնի տեղի քրիստոնյաների և Եվրոպայի մահմեդականների կյանքը: Սուրբ Սոֆիան մեր հարուստ պատմության խորհրդանիշն էր: Դրա գմբեթը մեծ էր ու կբավականացներ բոլորիս»,- գրել է նա:

Հուլիսի 10-ին Թուրքիայի նախագահ Ռեջեփ Թայիփ Էրդողանը հրամանագիր է ստորագրել տաճարը մզկիթի վերածելու մասին։ Ավելի վաղ երկրի Պետական խորհուրդը չեղարկել է Սբ Սոֆիայի տաճարը թանգարանի վերածելու մասին` 1934 թվականին ընդունված որոշումը։

 Ուշագրավ
Այդ մասին հայտարարել է Լիբանանի ազգային առաջնորդարանը
Գեյվին Նյուսոմի խոսքով՝ ատելության նմանատիպ դրսևորումը նահանգում տեղ չունի
Փաստացի բուժում է ստանում 63 հիվանդ
«Ռազմական լուծում լինել չի կարող», - ասել է նա