ԱՄՆ պետքարտուղար․ ՀՀ և Ադրբեջանին կոչ եմ անում վերսկսել բանակցությունները

ԱՄՆ պետքարտուղար․ ՀՀ և Ադրբեջանին կոչ եմ անում վերսկսել բանակցությունները

PanARMENIAN.Net - ԱՄՆ պետքարտուղար Մայք Պոմպեոն անդրադարձել է հայ-ադրբեջանական սահմանային բախումներին՝ կողմերին կոչ անելով «վերսկսել կայուն բանակցությունները»։

Պոմպեոն ԱՄՆ-ի անունից մտահոգություն է հայտնել հայ-ադրբեջանական սահմանային բախումների առթիվ ու ցավակցել դրանց հետևանքով զոհվածների ընտանիքներին։

«ԱՄՆ-ն չափազանց մտահոգված է հայ-ադրբեջանական միջպետական սահմանի վրա մահաբեր բախումներով։ Մենք կողմերին խստորեն կոչ ենք անում անմիջապես դեէսկալացիա իրականացնել, վերսկսել կառոցողական երկխոսությունը և դադարեցնել կրակը»,- հայտարարել է պետքարտուղարը՝ հորդորելով վերականգնել բանակցությունները Մինսկի խմբի համանախագահության շրջանակում։

Հուլիսի 15-ի դրությամբ սահամնային իրավիճակը համեմատաբար հանգիստ է։ Հուլիսի 12-ից հայ-ադրբեջանական սահմանին ռազմական գործողություններ են ընթանում, որոնք հրահրել է Ադրբեջանը: Բոլոր հրետակոծությունները թիրախավորվում են ՀՀ ԶՈւ կրակով և լռեցվում: Հայկական կողմը 4 զոհ ունի ու 20 վիրավոր, որոնցից 10-ը բուժում են ստանում, 10-ը՝ դուրս են գրվել։ Ադրբեջանը պաշտոնապես 11 զոհի մասին է հայտնել: Ադրբեջանական ԶՈւ-ն նաև ականակոծել է Չինարին, Այգեպարը, Ներքին Կարմիրաղբյուրը, հրետակոծության ենթարկել նաև Բերդ քաղաքը:

 Ուշագրավ
ԱԺ-ին կհատկացվի ժամանակին դատական ատյանի համար սկսված և կիսատ թողած շենքը, որի շինաշխատանքները շուտով կվերսկսվեն
Աբու Դաբիում կլուսավորվի ազգային նավթային ընկերության երկնաքերը
Այդ մասին հայտարարել է Լիբանանի ազգային առաջնորդարանը
Գեյվին Նյուսոմի խոսքով՝ ատելության նմանատիպ դրսևորումը նահանգում տեղ չունի