Քարդաշյան․ Ադրբեջանը սպառնում է հարվածել ՀԱԷԿ-ին, հրավիրում եմ միջազգային հանրության ուշադրությունը

Քարդաշյան․ Ադրբեջանը սպառնում է հարվածել ՀԱԷԿ-ին, հրավիրում եմ միջազգային հանրության ուշադրությունը

PanARMENIAN.Net - Չնայած շարունակվող համաշխարհային համաճարակին՝ Ադրբեջանը խախտել է ՄԱԿ-ի՝ աշխարհում հրադադարը պահպանելու կոչը՝ առանց դրդապատաճառի հարձակվելով Հայաստանի վրա։ Այս մասին Instagram-ում գրել է հեռուստաաստղ Քիմ Քարդաշյանը՝ խնդրելով աջակիցներին՝ իրենց սենատորներին և ներկայացուցիչներին կոչ անել աջակցել Հայաստանին։

Քարդաշյանն արձանագրել է, որ Հայաստանի քաղաքացիական ենթակառուցվածքները թիրախավորվել են ադրբեջանական զինված ուժերի կողմից, և Ադրբեջանը հիմա էլ սպառնում է հարվածել ՀՀ ատոմակայանին։

Հուլիսի 16-ին Ադրբեջանի ՊՆ-ն սպառնացել է հարվածել Մեծամորի ատոմակայանին։

Նրա խոսքով՝ Միացյալ Նահանգների Կոնգրեսը հաջորդ շաբաթ պաշտպանական հատկացումների օրինագիծը դնելու է քվեարկության, որի փոփոխություններով Ադրբեջանին չի տրվի ռազմական օգնություն, որը կարող է օգտագործվել Հայաստանի և Արցախի դեմ:

«Միջազգային հանրությունը պետք է ուշադրություն դարձնի և միջամտի՝ կիրառելով քաղաքական ու դիվանագիտական միջոցներ՝ կանխելու համար լարվածության հետագա սրումը և մարդկային զոհերը: Իմ հայրենակիցների կողքին եմ ու աղոթում եմ նրանց համար, ովքեր ներգրավված են սահմանային լարվածությանը: Կոչ եմ անում խաղաղ հանգուցալուծել այս չհրահրված հարձակումներն առանց այդ էլ համավարակի արդեն իսկ դժվարին պայմաններում»,- նշել է Քարդաշյանը:

Հուլիսի 12-ից հայ-ադրբեջանական սահմանին ռազմական գործողություններ են ընթանում, որոնք հրահրել է Ադրբեջանը: Բոլոր հրետակոծությունները թիրախավորվում են ՀՀ ԶՈւ կրակով և լռեցվում: Հայկական կողմը 4 զոհ ունի, Ադրբեջանից հայտնի է 12-ի մասին: Ադրբեջանական ԶՈւ-ն նաև հրետակոծել է Չինարին, Այգեպարը, Ներքին Կարմիրաղբյուրը, Մովսես և Տավուշ գյուղերը, Բերդ քաղաքը:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---