Հովհաննիսյան. Հակառակորդը կրակել է նաև Գեղարքունիքի ու Նախիջևանի ուղղությամբ17 հուլիսի 2020 - 11:29 AMT PanARMENIAN.Net - Հուլիսի 17-ի գիշերը հակառակորդի կողմից մոտ 120 կրակոց է արձակվել՝ հիմնականում հրաձգային զինատեսակներից, չեն կիրառվել հրետանային միջոցներ, սահմանին լարվածությունը զգալի թուլացել է, հայտարարել է Ճգնաժամային տեղեկատվական կենտրոնի պատասխանատու Արծրուն Հովհաննիսյանը։ «Կրակոցներ եղել են ոչ միայն Տավուշի բուն մարտական գործողոթյունների շրջանում, այլև Տավուշի ամբողջ սահմանագոտու երկայնքով՝ նաև Նոյեմբերյանի ուղղությամբ։ Կրակոցներ են հնչել նաև Գեղարքունիքի հատվածում՝ 2-րդ բանակային կորպուսի ուղղությամբ, Նախիջևանի 4-րդ և 5-րդ բանակային կորպուսների հատվածում»,- ասել է նա։ Հովհաննիսյանը նաև նշել է, որ որևէ գործողություն այդ հատվածում չի նախաձեռնվել, հնչել են միայն կրակոցներ։ Նրա խոսքով՝ նախորդ օրերին վիրավորված զինծառայողների վիճակում փոփոխություն չկա, մեկ հոգու վիճակը շարունակում է ծայրահեղ ծանր մնալ, բայց կայունություն կա։ Հուլիսի 16-ի գիշերն ադրբեջանական կողմը 100 հոգանոց դիվերսիայի փորձ է ձեռնարկել՝ գրավելու համար հայկական «Անվախ» դիրքը։ Հակառակորդը հետ է շպրտվել, հայկական կողմից զոհեր չունի։ Հուլիսի 17-ի գիշերը հարաբերականորեն անդորր է եղել սահմանին։ Հուլիսի 12-ից հայ-ադրբեջանական սահմանին ռազմական գործողություններ են ընթանում, որոնք հրահրել է Ադրբեջանը: Բոլոր հրետակոծությունները թիրախավորվում են ՀՀ ԶՈւ կրակով և լռեցվում: Հայկական կողմը 4 զոհ ունի, Ադրբեջանից հայտնի է 12-ի մասին: Ադրբեջանական ԶՈւ-ն նաև ականակոծել է Չինարին, Այգեպարը, Ներքին Կարմիրաղբյուրը, հրետակոծության ենթարկել նաև Բերդ քաղաքը: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | ԱՄՆ–ն կշարունակի աջակցել ՀՀ-ում պաշտպանական բարեփոխումներին Պապաիկյանն ու ԱՄՆ դեսպանը քննարկել են համագործակցության ներկայիս ընթացքը և զարգացման հեռանկարները ՔՊ–ականը՝ ընդդիմադիրներին․ Ընկել եք Տավուշի հետևից, ռուս խաղաղապահների համար տեղակայման վա՞յր եք փնտրում «Դուք դրան եք լծված հիմա»,– ասել է նա Կինոյի զարգացմանն ուղղված գործընթացները կկանոնակարգվեն «Հայաստանի ազգային կինոկենտրոնը» կվերակազմավորվի «Հայաստանի կինոյի հիմնադրամի» Ընդդիմադիր պատգամավորները դեսպաններին փակ հանդիպման կհրավիրեն «Նպատակն է ճշտել, թե ի՞նչ պատկերացում ունեն այդ երկրները Հայաստանում ստեղվծած իրավիճակի վերաբերյալ»,- նշել է Աբրահամյանը |