27 հուլիսի 2020 - 13:05 AMT
Թուրքիայում վթարից զինվորականներ են մահացել

Թուրքիայի հարավային Մերսինի նահանգում զինծառայողներ տեղափոխող ավտոբուս է կողաշրջվել, որի հետևանքով մահացել են վարորդը և 5 զինծառայող։

Վթարից տուժած 30-ից ավել զինծառայող տեղափոխվել է հիվանդանոց։ Նրանցից 10-ի վիճակը գնահատվում է ծանր, գրում է Ermenihaber-ը։

Ավտոբուսը Մանիսա նահանգի Ալաշեհիր շրջանից Հյուսիսային Կիպրոսի ինքնահռչակ թուրքական հանրապետություն մեկնող թուրք զինծառայողներին էր տեղափոխում։