Վիետնամի Դանանգում Covid-19-ի նոր տեսակ կա․ Ավիաչվերթերը դադարեցված են

Վիետնամի Դանանգում Covid-19-ի նոր տեսակ կա․ Ավիաչվերթերը դադարեցված են

PanARMENIAN.Net - Վիետնամի Դանանգ քաղաքում կորոնավիրուսային տեսակի նոր` ավելի վարակիչ վիրուս է հայտնաբերվել, տրանսպորտի նախարարությունը հայտարարել է դեպի այդ քաղաք ավիաչվերթերի դադարեցման մասին, փոխանցում է ՌԲԿ-ն։

Նախարարությունից հայտնել են, որ հուլիսի 28-ից 15 օրով կդադարեցվեն բոլոր ներքին չվերթերը դեպի Դանանգ։ Նույն օրվանից դադարեցվելու է նաև ավտոբուսների և երկաթուղայինների երթևեկը։

Վիետնամի իշխանությունները կորոնավիրուսի այլ տեսակի վարակի մասին հայտնել են հուլիսի 27-ին։ Համաճարակը ֆիքսվել է զբոսաշրջային խոշոր Դանանգ քաղաքում։ Նոր վիրուսի պատճառով որոշվել է էվակուացնել զբոսաշրջիկներին, ընդհանուր առմամբ, մոտ 80,000 մարդու։ Գարնանից Վիետնամը փակ է օտարերկրյա զբոսաշրջիկների համար։ Այնտեղ այս պահին միայն տեղացիներ են՝ ներգնա զբոսաշրջիկներ։

Հուլիսի 28-ի դրության աշխարհում կորոնավիրուս հաստատվել է 16.4 մլն մարդու մոտ։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան