Չինաստանին մեղադրում են Covid-19-ի մասին տվյալները ոչնչացնելու մեջ

28 հուլիսի 2020 - 18:41 AMT

PanARMENIAN.Net - Բժիշկ Կվոկ Յունգ Ուենը Չինաստանի իշխանություններին մեղադրել է կորոնավիրուսի մասին տվյալները թաքցնելու, վիրուսի մասին փաստող տվյալների ոչնչացման մեջ, փոխանցում է PM-ն։

2020-ի հունվարի 12-ին պրոֆեսոր Կվոկ Յունգ Ուենը կորոնավիրուս է ախտորոշել Ուհանից հազար կմ հեռավորության վրա գտնվող Շենչժեն քաղաքում ապրող ընտանիքի մոտ։ Ընտանիքի անդամներից մի քանիսը եղել են քաղաքում, որտեղ կորոնավիրուսի համաճարակ է բռնկվել, այդ պատճառով բժիշկը միանգամից հասկացել է՝ խոսքն ինչի մասին է, և նկատել, որ նոր վիրուսը մարդուց մարդուն է փոխանցվում։ Սակայն Պեկինից 8 օր է պահանջվել, որ իր ունեցած տվյալները կիսի աշխարհի հետ։

2020-ի հունվարին Ուենն օգնել է հետաքննել վարակի դեպքերն Ուհանում։ Նա BBC-ին պատմել է, որ իր կարծիքով տեղի իշխանությունները թաքցրել են համաճարակի սկզբնական մասշտաբները՝ ոչնչացնելով ապացույցներն ու հետաձգելով կլինիկական հետազոտությունների պատասխանները։

Ուենը պատմել է, որ երբ իրենք գնացել են տեղի շուկա, այնտեղ արդեն ամեն ինչ մաքուր է եղել։

«Այդ պարագայում կարելի ասել՝ հանցագործության վայրը պաշտպանված է եղել և մենք չկարողացանք պարզել կոնկրետ ինչպես է վիրուսը մարդուն փոխանցվել»,- ասել է նա՝ հավելելով, որ տեղական իշխանությանը հրահանգված էր թաքցնել տեղեկությունը։

Կորոնավիրուսի համավարակն աշխարհում տարածվել է Չինաստանից։ Վարակի էպիկենտրոնը Չինաստանում հենց Ուհան քաղաքն էր։ Հուլիսի 28-ի դրությամբ աշխարհում վարակի դեպք հաստատվել է 16․5 մլն մարդ։