45 տարի անց տիեզերագնացները վայրէջք կկատարեն ջրի վրա

45 տարի անց տիեզերագնացները վայրէջք կկատարեն ջրի վրա

PanARMENIAN.Net - SpaceX-ի Crew Dragon տիեզերանավով տիեզերք թռչած տիեզերագնացները Միջազգային տիեզերակայանից վերադառնալիս պատրաստվում են վայրէջք կատարել ջրի վրա: Վերջին անգամ տիեզերագնացները օվկիանոսի վրա տիեզերքից վայրէջք էին արել 45 տարի առաջ՝ 1975-ի հուլիսին։ Այս մասին հայտնում է The Guardian-ը։

Սակայն Ֆլորիդայի ափերի մոտ սպասվում է «Իսայաս» հզոր փոթորիկը, որի ընթացքին ուշի ուշով հետևում է NASA-ն։ Տիեզերագնացներից Բենկենը հայտնել է, որ չեն լքի տիեզերակայանը քանի դեռ լավ վայրէջքը երաշխավորված չի լինի։

Մայիսի վերջին Իլոն Մասկին պատկանող SpaceX-ը դարձել էր առաջին մասնավոր ընկերությունը, որը մարդ էր դուրս բերել տիեզերք։ Տիեզերք էին ուղարկվել Crew Dragon տիեզերանավը և տիեզերագնացներ Դուգլաս Հյորլիին ու Ռոբերտ Բենկենը։

Photo. AP
 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել
---