Մեդվեդև․ ՀՀ և Ադրբեջանի սփյուռքը պետք է զգա իր պատասխանատվությունը

Մեդվեդև․ ՀՀ և Ադրբեջանի սփյուռքը պետք է զգա իր պատասխանատվությունը

PanARMENIAN.Net - ՌԴ Անվտանգությյան խորհրդի փոխնախագահ Դմիտրի Մեդվեդևը, անդրադառնալով հայերի և ադրբեջանցիների միջև միջադեպերին Ռուսաստանի տարածքում, ասել է, որ Հայաստանի և Ադրբեջանի սփյուռքը պետք է զգա իր պատասխանատվությունը։ Այդ մասին նա ասել է «Պոլիտ Ստարտափ» նախագծի մասնակիցների հետ հանդիպմանը, գրում է ՏԱՍՍ-ը։

«Երբ այդ ամենը (ղարաբաղյան հակամարտությունը) օտարերկրյա խնդրից վերածվում է ՌԴ ներքին խնդրի, այդ համայնքները պետք է զգան իրենց պատասխանատվութունը»,- ասել է Մեդվեդևը։

Հուլիսի 12-16-ը հայ-ադրբեջանական սահմանային բախումներից հետո արտերկրում ևս հայերի և ադրբեջանցիների հարաբերությունները սրվել են։ Լոնդոնում ու Լոս Անջելեսում խաղաղ ցույցերն ադրբեջանցիների սադրանքներից հետո ծեծկռտուքների էին վերածվել։ Մոսկվայում ադրբեջանցիները հարձակվել էին հայերի մեքենաների ու միայնակ քայլող հայերի վրա։ Իսկ հուլիսի 23-ի կեսգիշերին անհայտ անձինք հրկիզել էին Գերմանիայում հայկական դեսպանատան ծառայողական ավտոմեքենան։ ՀՀ ԱԳՆ-ն արտերկրի հայերին կոչ է արել չտրվել ադրբեջանցիների սադրանքներին և միջադեպերի դեպքում կապվել երկրներում ՀՀ դիվանագիտական ներկայացուցիչների և իրավապահ մարմինների հետ։

 Ուշագրավ
«Կանգնած ենք սարի պես, մինչև վերջ կանգնելու ենք»,- ասել է նա
Ըստ քաղխորհրդի՝ Արցախի միջազգային ճանաչումը և բնակչության ինքնորոշումը հակամարտության միակ մշտական լուծումն են
Ցույցի մասնակիցները պատրաստվում են շարժվել Եվրապարլամենտ
ՄԻԵԴ-ը բացառել է ադրբեջանցի սպա Ռամիլ Սաֆարովի գործով վճռի վերանայման հնարավորությունը