Նախագահը ստորագրել է Տեսալսողական մեդիայի և Ընդեքրի մասին օրենքները

Նախագահը ստորագրել է Տեսալսողական մեդիայի և Ընդեքրի մասին օրենքները

PanARMENIAN.Net - ՀՀ նախագահ Արմեն Սարսգյանը ստորագրել է «Տեսալսողական մեդիայի մասին» և «ՀՀ ընդերքի մասին օրենսգրքում լրացումներ և փոփոխություններ կատարելու մասին» օրենքների փաթեթները։

Դրանք ստորագրման էին ներկայացվել 2020-ի հուլիսի 20-ին:

Ըստ Հանրապետության նախագահի աշխատակազմի ուսումնասիրությունների և վերլուծությունների՝ oրենքներն առերևույթ սահմանադրականության խնդիր չունեն:

Նշվում է, որ աշխատակազմը հանգամանալից ուսումնասիրել է oրենքները, քննարկումներ կազմակերպել ԱԺ, տվյալ ոլորտի լիազոր մարմինների ներկայացուցիչների, ինչպես նաև շահագրգիռ այլ անձանց հետ, և համապատասխան վերլուծություն ներկայացրել նախագահին:

«Տեսալսողական մեդիայի մասին» օրենքը նպատակաուղղված է ապահովելու հավաստի տեղեկատվություն ստանալու յուրաքանչյուրի իրավունքը, երաշխավորելու կարծիքների արտահայտման իրավունքը, տեսալսողական մեդիածառայություններ մատուցողների անկախությունը, ինչպես նաև նպաստելու տեսալսողական հաղորդումների բազմազանության զարգացմանը:

Ընդերքի մասին օրենքով նախատեսված փոփոխությունները, ի թիվս այլ հարցերի, կարգավորում են նաև պոչամբարների անվտանգ կառուցման, ջրերի ռացիոնալ և շրջանառու համակարգերի ներդրման կիրառման օրենսդրական հիմքերը, որոնք նվազեցնում են շրջակա միջավայրին սպառնացող ռիսկերը նոր նախաձեռնությունների դեպքում:

Օրենքների լիարժեք կիրառումն ապահովելու նպատակով անհրաժեշտ է դրանց անցումային դրույթներով նախատեսված միջոցառումներն (համապատասխան միջկառավարական պայմանագրերի կնքում, ենթաօրենսդրական նորմատիվ իրավական ակտերի ընդունում) իրականացնել նախանշված ժամկետներում։

«Տեսալսողական մեդիայի մասին» օրենքի նոր նախագծով օտարերկրյա հեռուստառադիոծրագրերը չեն բացառվելու հանրային մուլտիպլեքսից, այլ կարող են վերահեռարձակվել միջպետական պայմանագրերի հիման վրա։Հայաստանում ՌԴ դեսպանատունը կարծիք էր հայտնել, որ նոր օրենքն ուղղակիորեն կանդրադառնա Հայաստանում ռուսական հեռուստաալիքների հեռարձակման ճակատագրի վրա:

 Ուշագրավ
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը
Պատգամավորների՝ ՍԴ մասին պատկերացումները չեն համընկել և որոշ դեպքերում անընդունելի են եղել Ավետիսյանի համար։
Վարչապետը հանդիպել է Պաշտպանության նախարարության և Զինված ուժերի ղեկավար կազմի հետ
Նալբանդյանն ավելի վաղ համաձայնել էր տեսակապով զրուցելուն