 Վարչապետի խոսնակ․ ՀՀ-ն դեղորայք, բուժսարքավորումներ, սնունդ կհասցնի Բեյրութ 6 օգոստոսի 2020 - 10:05 AMT PanARMENIAN.Net - ՀՀ կառավարությունը թիրախային օգնություն կհասցնի Բեյրութ՝ ինչպես կառավարական, այնպես էլ համայնքային մակարդակով: Այդ մասին ֆեյսբուքյան իր էջում տեղեկացրել է ՀՀ վարչապետի խոսնակ Մանե Գևորգյանը։ Օժանդակությունը կլինի դեղորայքի, բժշկական սարքավորումների, սննդի և այլ պարագաների տեսքով: ՀՀ կառավարության օգնությունը տեղ կհասնի հնարավորինս արագ՝ հատուկ չվերթով: «ՀՀ կառավարությունը՝ Արտաքին գործերի նախարարության և Սփյուռքի գործերի գլխավոր հանձնակատարի գրասենյակի միջոցով, մշտական կապի մեջ է Լիբանանի կառավարության և համայնքային կառույցների ղեկավարների հետ՝ եղբայրական Լիբանանին օգնություն ցուցաբերելու նպատակով: Քննարկումների արդյունքում հստակեցվել են կարիքների հիմնական ուղղությունները»,- ասվում է գրառման մեջ։ Ավելի վաղ վարչապետ Փաշինյանը հեռախոսազրույց է ունեցել Լիբանանի նախագահ Միշել Աունի հետ՝ ՀՀ-ի պատրաստակամությունը հայտնելով օժանդակություն ցուցաբերել բարեկամ Լիբանանին և նրա եղբայրական ժողովրդին: Օգոստոսի 4-ի երեկոյան Լիբանանի մայրաքաղաք Բեյրութի նավահանգստում ուժեղ պայթյուն է որոտացել։ Պայթյունն այնքան ուժգին էր, որ լսվել է քաղաքից 20 կմ հեռավորության վրա։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։ Վնասներ է կրել նաև Մեծի Տանն Կիլիկիո կաթողիկոսությունը։   Ուշագրավ Նշվում է, որ առաքելության ներկայությունը չպետք է առիթ չդառնա Երևանի համար «հրաժարվելու իր ստանձնած պարտավորություններից» «Թող հլը վավերացնի, Կիկոսի մահին չեմ անդրադառնա, իրագործումը չեմ պատկերացնում»,-ասել է նա Խոսելով ՀԱՊԿ գլխավոր քարտուղարի այցի մասին՝ Սիմոնյանն ասել է․ «Որ եկել ա՝ ի՞նչ» Այդ գույքից 15-ը՝ Երևան քաղաքում է, մեծամասամբ Կենտրոն վարչական շրջանում   Ամենաընթերցվողը բաժնում |  Վերջին լուրեր Ադրբեջանը ժխտում է ՀՀ ԶՈւ զինծառայողին գերեվարելու մասին տեղեկությունը  ՀՀ ՊՆ-ն հայտնել էր, որ միջոցներ են ձեռնարկվում ադրբեջանական վերահսկողության տակ հայտնվելը հաստատելու և նրան վերադարձնելու ուղղությամբՄասիս Մայիլյան․ Արցախի ժողովուրդը կդիմանա անգամ 1000 և ավելի օր, բայց չի հրաժարվի իր ինքնիշխանությունից Նա նշել է, որ Արցախի կողմից ինտեգրման օրակարգի ընդունումն ի սկզբանե կնշանակեր հրաժարում սեփական Հայրենիքում ազատ ու անվտանգ ապրելու իղձիցՊարտադիր զորակոչից տարկետում ստանալու դիմումներն ընդունվելու են ապրիլին Խոսքը գիտության և կրթության, մշակույթի և սպորտի բնագավառներում նշանակալի նվաճումներ ունեցող քաղաքացիների մասին էԻսրայելյան Հայֆայի կենտրոնում Armenian Genocide Square անվամբ հրապարակ է բացվել Միջոցառմանը ներկա է եղել Հայֆայի քաղաքապետը |
