Սնունդ, ջուր, դեղորայք, որոշներին՝ ՀՀ վերադարձի հնարավորություն․ Բեյրութում հայերի կարիքները գնահատվել են

Սնունդ, ջուր, դեղորայք, որոշներին՝ ՀՀ վերադարձի հնարավորություն․ Բեյրութում հայերի կարիքները գնահատվել են

PanARMENIAN.Net - Բեյրութում հայ համայնքը կարիք ունի դեղորայքի տրամադրման կամ գնման (հատկապես՝ քրոնիկական հիվանդություն ունեցողների համար), առաջնային անհրաժեշտության սննդի և ջրի, հայաշատ թաղամասերում բնակարանների, խանութների, եկեղեցիների, հանրային կենտրոնների վերանորոգման ֆինանսական աջակցության, հայրենադարձվել ցանկացողների վերադարձի գործընթացին աջակցման, հայտարարել է Սփյուռքի գործերի գլխավոր հանձնականտար Զարեհ Սինանյանը։

Օգոստոսի 4-ի երեկոյան Լիբանանի մայրաքաղաք Բեյրութի նավահանգստում ուժեղ պայթյուն է որոտացել։ Այն այնքան ուժգին էր, որ լսվել է քաղաքից 20 կմ հեռավորության վրա։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։ Վնասներ է կրել նաև Մեծի Տանն Կիլիկիո կաթողիկոսությունը։ Հայերի շրջանում ևս կան զոհեր և վիրավորներ։

Սինանյանը հայտնել է, որ կապի մեջ են համայնքի ներկայացուցիչների և Լիբանանում ՀՀ դեսպան Վահագն Աթաբեկյանի հետ։

«Համայնքային ներկայացուցիչները երկրորդային կարիք են մատնանշել համայնքին հոգեբանական աջակցության տրամադրումը: Համայնքային գործիչներն ընդգծել են նաև, որ իրենք ևս անցկացնում են կարիքների գնահատում, և վերջնական վերլուծության համար անհրաժեշտ է որոշ ժամանակ»,-հայտնել է Սինանյանը՝ հավելելով, որ այժմ ջանքերն ուղղված են իրավիճակը ճիշտ գնահատելուն, ինչը թույլ կտա աջակցությունը դարձնել ավելի թիրախային:

Սինանյանը հայտնել է նաև, որ օգոստոսի 5-ի երեկոյի ընդհուպ մինչև 11 հայ զոհ, մի քանի տասնյակ վիրավորներ կան, թվերը, սակայն, վերջնական չեն:

 Ուշագրավ
ԱԺ-ին կհատկացվի ժամանակին դատական ատյանի համար սկսված և կիսատ թողած շենքը, որի շինաշխատանքները շուտով կվերսկսվեն
Աբու Դաբիում կլուսավորվի ազգային նավթային ընկերության երկնաքերը
Այդ մասին հայտարարել է Լիբանանի ազգային առաջնորդարանը
Գեյվին Նյուսոմի խոսքով՝ ատելության նմանատիպ դրսևորումը նահանգում տեղ չունի