Փաշինյան․ ՀՀ-ն ինքնաթիռով օգնություն կուղարկի Բեյրութ, Սինանյանը կմեկնի Լիբանան

Փաշինյան․ ՀՀ-ն ինքնաթիռով օգնություն կուղարկի Բեյրութ, Սինանյանը կմեկնի Լիբանան

PanARMENIAN.Net - ՀՀ կառավարությունը նախապատրաստական աշխատանքներ է տանում Բեյրութ ինքնաթիռով օգնություն ուղարկելու համար, հայտնել է վարչապետ Նիկոլ Փաշինյանը։

«ՀՀ-ն օգնություն ցուցաբերելու իր պատրաստակամությունն է հայտնել այդ քաղաքին պատուհասած ողբերգության հետևանքները հաղթահարելու գործում, մենք ուժերի ներածին չափով աջակցություն ենք ցուցաբերելու Լիբանանի կառավարությանը», - ասել է Փաշինյանը՝ հավելելով, որ Սփյուռքի գործերի գլխավոր հանձնակատար Զարեհ Սինանյանը ևս կմեկնի Բեյրութ ու տեղում կծանոթանա համայնքի կարիքներին։

Փոխվարչապետ Տիգրան Ավինյանի խոսքով՝ մինչև օրվա վերջ Բեյրութ ուղարկվող օգնության չափաքանակն ու տեսակը կվերջնականացվի։

«Թռիչքը ենթադրաբար շաբաթ օրը (օգոստոսի 8-ին) տեղի կունենա, մեր գրասենյակում մի քանի տարբերակներ են քննարկվում, մինչև օրվա վերջ կհստակեցվի»,- ասել է Ավինյանը։

Օգոստոսի 4-ի երեկոյան Լիբանանի մայրաքաղաք Բեյրութի նավահանգստում ուժեղ պայթյուն է որոտացել։ Այն այնքան ուժգին էր, որ լսվել է քաղաքից 20 կմ հեռավորության վրա։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։ Վնասներ է կրել նաև Մեծի Տանն Կիլիկիո կաթողիկոսությունը։ Վերջին տվյալներով 11 հայ է զոհվել, թիվը, սակայն, վերջնական չէ։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---