Մակրոնը՝ լիբանանցի ղեկավարներին․ Եթե ռեֆորմներ չլինեն, երկիրը կխորտակվի

Մակրոնը՝ լիբանանցի ղեկավարներին․ Եթե ռեֆորմներ չլինեն, երկիրը կխորտակվի

PanARMENIAN.Net - Ֆրանսիայի նախագահ Էմանուել Մակրոնը Բեյրութի պայթյունից հետո այցելել է Լիբանան՝ իր աջակցությունը հայտնելու երկրին և հայտարարել, որ Լիբանանը «կշարունակի խորտակվել», եթե ղեկավարները ռեֆորմների չգնան, փոխանցում է Reuters-ը։

Մակրոնն առաջին օտարերկրացի ղեկավարն է, ով օգոստոսի 4-ի պայթյունից հետո Լիբանան է ժամանել։

Օգոստոսի 4-ի երեկոյան Լիբանանի մայրաքաղաք Բեյրութի նավահանգստում ուժեղ պայթյուն է որոտացել։ Պայթյունն այնքան ուժգին էր, որ լսվել է քաղաքից 20 կմ հեռավորության վրա։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։ Վնասներ է կրել նաև Մեծի Տանն Կիլիկիո կաթողիկոսությունը։

Բեյրութ ժամանելուց հետո Ֆրանսիայի ղեկավարը հայտարարել է, որ իր երկիրն անվերապահորեն աջակցում է լիբանանցիներին, սակայն ինքը «դառը ճշմարտությունը» կասի տեղացի քաղաքական գործիչներին։

«Բացի պայթյունից, մենք գիտենք, որ այստեղ ճգնաժամը լուրջ է։ Տեղի առաջնորդների պատմական պատասխանատվություն է ենթադրվում։ Մենք չենք կարող շրջանցել իրար դառը ճշմարտությունը հայտնելը։ Եթե ռեֆորմներ չիրականացվեն, Լիբանանը կշարունակի խորտակվել»,- ասել է Մակրոնը՝ անդադառնալով էներգետիկ ոլորտի բարեփոխումներին, կոռուպցիայի դեմ պայքարին։

Photo. Reuters
 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան