Երևանում Ամուլսարի համար ակցիան չի կայացել. Բերման ենթարկվածներ կան 6 օգոստոսի 2020 - 19:04 AMT PanARMENIAN.Net - Ամուլսարի համար պայքարող ակտիվիստներն օգոստոսի 6-ին պաստառներով Կառավարության շենքի առաջ էին հավաքվել։ Ոստիկանությունը հայտարարել է, որ հավաքն ապօրինի է և հորդորել հավաքի մասնակիցներին դադարեցնել հավաքը։ Ակտիվիստները պատասխանել են ոստիկաններին, թե հավաք չեն իրականացնում, առանձին են եկել կառավարության շենքի հարակից տարածք, և խնդրում էին ոստիկաններին օրինական պահանջ ներկայացնել։ Ոստիկանությունը բերման է ենթարկել հավաքվածներին, գրում է «Առավոտը»։ Բերման են ենթարկել նաև իրավապաշտպաններ Նինա Կարապետյանցին և Արա Ղարագյոզյանին։ Ջերմուկում Ամուլսարի ակցիայի մասնակիցներն օգոստոսի 5-ի երեկոյան որոշել են տուն գնալ, խնայել ուժերն ու օգոստոսի 6-ին կրկին տարածք վերադառնալ: Նրանք ասել են, որ ակցիան կսկսեն դարձյալ երեկոյան: Հիմնական պահանջն անփոփոխ է՝ անվավեր ճանաչել ՇՄԱԳ-ը: Ամուլսարի մերձակա տարածքում իրավիճակը վերջին օրերին լարվել է, ոստիկանների և հանքի շահագործման դեմ բողոքող քաղաքացիների միջև բախումներ են եղել, եղել են բերման ենթարկվածներ։ Օգոստոսի 4-ի առավոտյան բնապահպանները հայտնել էին, որ հանքի շահագործման վկայական ունեցող «Լիդիան Արմենիայի» պահնորդական ծառայությունն Ամուլսարի պահապանների վագոն-տնակները հանել է տեղից ու փոխարենը դրել իրենցը: Նրանք կոչ էին արել բոլորին միանալ իրենց Ջերմուկում կամ ակցիա իրականացնել մայրաքաղաքում։ «Լիդիան Արմենիան» Ամուլսարի ոսկու հանքի շահագործման հնարավորություն ունեցող ընկերությունն է։ Հանքի շահագործումն այժմ կասեցված է բնապահպանների ցույցերի ու բողոքների պատճառով։ 2018-ից այնտեղ ակտիվիստները փակել են հանք տանող ճանապարհն ու պահանջում են դադարեցնել դրա ահագորոծումը, քանի որ տարածքն էկոլոգիական վտանգի տակ է հայտնվում։   Ուշագրավ Մարդասիրական բեռն արդեն 8-րդ օրն է Կոռնիձորում է Որպեսզի իրավիճակն էլ ավելի չթեժանա, ոստիկանները տարեց մարդուն հեռացրել են տարածքից Վերելակներ կտեղադրվեն ևս 8 գետնանցումում և Թաիրովի փողոցից Հաղթանակի կամուրջ տանող աստիճաններին Նախագծի երկրորդ փուլի աշխատանքներն ավարտված են, այժմ աշխատանքներ են տարվում երրորդ փուլի ուղղությամբ   Ամենաընթերցվողը բաժնում |  Վերջին լուրեր ԱՀ ՄԻՊ․ Ադրբեջանական Տելեգրամ ալիքները կոչ են անում գտնել, սպանել, խոշտանգել և բռնաբարել անհետ կորած արցախցիներին  Նա նշել է, որ դա հայատյացության և ազգամիջյան ատելության ևս մեկ արտահայտություն էՇախմատիստուհի Գաբոյանը դուրս է եկել միջազգային մրցաշարից և միացել Սուրեն Պետրոսյանի հացադուլին Պետրոսյանը «Ժողովրդավարական համախմբում» կուսակցության նախագահն էԱդրբեջանում ԼՂ հարցերով աշխատանքային խումբ են ստեղծել Նշվում է, որ ԿԽՄԿ Բաքվի գրասենյակինց լրացուցիչ անձնակազմ կգործուղվի ՍտեփանակերտՕկամպոն՝ The Washington Post–ին․ Ադրբեջանի հավակնությունները դուրս են գալիս ԼՂ սահմաններից Նա ասել է, որ Ալիևը Լեռնային Ղարաբաղը վերածել է հսկայական համակենտրոնացման ճամբարի |
