Հեզբոլլահը հերքում է Բեյրութի նավահանգստում զենք պահելու մասին լուրերը

Հեզբոլլահը հերքում է Բեյրութի նավահանգստում զենք պահելու մասին լուրերը

PanARMENIAN.Net - Լիբանանի տարածքում գործող Հեզբոլլահ արմատական շարժման առաջնորդ Սայադ Հասան Նասրալլահը կտրականապես հերքել է Բեյրութի նավահանգստում զենք և զինամթերք պահելու մասին լուրերը և կոչ է արել բաղմակողմանի հետաքննություն իրականացնել` մեղավորներին պատժելու համար։ Այս մասին հայտնում է Reuters-ը։

Ավելի վաղ Հեզբոլլահը հերքել էր նաև նավահանգստին հարվածելու լուրերը։

Լիբանանում պայթյունից հետո երկրում և աշխարհի շատ այլ երկրներում դավադրապաշտական բազում տեսություններ և ֆեյքեր են սկսել շրջանառվել Նավահանգիստը խոցելու մասին։

Նախնական տեղեկություններով` պայթյունի պատճառը նավահանգստի պահեստներում պահվող 2700 տոննա ամոնիումի սելիտրան է եղել։

Օգոստոսի 4-ի երեկոյան Բեյրութի նավահանգստում ուժգին պայթյուն է որոտացել։ Քաղաքում մեծ ավերածություններ կան, վնասվել է ՀՀ դեսպանության շենքը, տուժել է նաև հայկական թաղամասը։ Հայտնի է հայ 11 զոհի և 250 վիրավորի մասին։ Լիբանանի Պաշտպանության գերագույն խորհուրդը Բեյրութում տեղի ունեցած պայթյունից հետո երկրի մայրաքաղաքն աղետի գոտի է հայտարարել։

Photo. AFP/HO/IRAN PRESS
 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան