Ծառուկյանը շնորհավորել է Լուկաշենկոյին

Ծառուկյանը շնորհավորել է Լուկաշենկոյին

PanARMENIAN.Net - «Բարգավաճ Հայաստան» կուսակցության առաջնորդ Գագիկ Ծառուկյանը շնորհավերլ է Բելառուսի նախագահ Ալեքսանդր Լուկաշենկոյին պաշտոնում վերընտրվելու կապակցությամբ։ Այդ մասին նա տեղեկացրել է ֆեյսբուքյան իր էջում։

«Իմ լավ ընկեր ու բարեկամ, ի սրտե շնորհավորում եմ Բելառուսի նախագահական ընտրություններին Ձեր տարած վստահ և համոզիչ հաղթանակի առթիվ: Ընտրությանը Ձեր օգտին քվեարկած մարդկանց աննախադեպ մեծ թիվը վկայում է երկրում Ձեր անբեկանելի հեղինակության և Ձեր հանդեպ ժողովրդի անվերապահ վստահության մասին: Համոզված եմ, որ Ձեր պաշտոնավարման հետագա տարիներին ևս ներդնելու եք բոլոր ջանքերը՝ ի նպաստ Բելառուսի Հանրապետության զարգացման և ժողովրդի բարեկեցության»,-ասվում է շնորհավորական ուղերձում:

Ծառուկյանը նաև վստահություն է հայտնել, որ Լուկաշենկոյի շնորհիվ Հայաստանի և Բելառուսի հարաբերությունները նոր թափ կստանան՝ էլ ավելի ամրապնդելով երկու ժողովրդի եղբայրական և բարեկամական կապերը: ԲՀԿ նախագահը հավելել է, որ պատրաստ է դրա համար ներդնել բոլոր ջանքերը:

Օգոստոսի 10-ի առավոտյան ԿԸՀ-ն հայտարարել է, որ գործող նախագահ Ալեքսանդր Լուկաշենկոն ընտրություններում հավաքել է ձայների 80.23%-ը, իսկ նրա հիմնական մրցակից Սվետլանա Տիխանովսկայան՝ 9.9%։

Օգոստոսի լույս 10-ի գիշերը Բելառուսում նախագահական ընտրություններից հետո Մինսկում և խոշոր մյուս քաղաքներում բողոքի ցույցերի հազարավոր մասնակիցներ են ձերբակալվել։ Ուժայինների և ցուցարարների բախումները Մինսկի կենտրոնում շարունակվել են մինչև գիշերվա 3-ը, որից հետո ցուցարարները սկսել են ցրվել։Մինսկի, Բրեստի, Գրոդնոյի և այլ քաղաքների բնակիչները փողոց էին դուրս եկել այն բանից հետո, երբ ԿԸՀ-ն հայտարարել է գործող նախագահ Ալեքսանդր Լուկաշենկոյի հաղթանակի մասին այն ընտրատեղամասերում, որտեղ արդեն ամփոփվել էին արդյունքները։

 Ուշագրավ
Նա մեկնել է կարճատև աշխատանքային այցով
ԱԳՆ-ից նշել են, որ միջոցներ են ձեռնարկելու տեղում հրադադարի ռեժիմի պահպանման և ստուգման մեխանիզմների ներդրման համար
ՀՀ վարչապետ Նիկոլ Փաշինյանը ակնարկել է, որ ստացել է նման երաշխիք ռուսական կողմից
Նախարարը նշել է, որ հանդիպում է բողոքող այն խմբերի հետ, որոնք օրակարգ ունեն, իսկ իր օրակարգի հարցը ոլորտի բարեփոխումներն են և ոլորտ նորություն բերելը