Փաշինյան․ Բիզնեսի ստանդարտները պետք է դաժանորեն բարձրացվեն

Փաշինյան․ Բիզնեսի ստանդարտները պետք է դաժանորեն բարձրացվեն

PanARMENIAN.Net - ՀՀ-ում կորոնավիրուսի ճգնաժամից հետո ամենադաժան ձևով պետք է բիզնեսի կարգապահությունը և ստանդարտները բարձրացվեն, հայտարարել է վարչապետ Նիկոլ Փաշինյանը։

Նրա խոսքով՝ խնդիրները երբևէ պատկերացրածից ավելի խորն են։ Փաշինյանը նշել է, որ ճգնաժամի ժամանակ գործարարները գումար են խնդրում բյուջեից, իսկ նախաճգնաժամային փուլում այդ բյուջեն ձևավորելու համար հարկեր տալուց դժվարանում էին։

«Հանդիպումների ընթացքում սա հիշեցնում էի գործարարներին։ Դրա համար էլ գործարար շրջանակներն իմ հանդիպումներից դուրս են գալիս և ասում՝ դժգոհ ենք։ Այն ժամանակ ասում էին՝ կառավարությունը կոռուպացված է, մենք էլ ենք տանում, հիմա էլ ղալաթ կանի մեկը, որ ասի կառավարությունը կոռումպացված է»,- ասել է նա։

Վարչապետի խոսքով՝ բիզնեսի խնդիրն այն է, որ նշաձողը միշտ դնում է ամենացածր սեգմենտի, որակական ամենացածր ստանդարտների վրա։

«Մեզ մոտ կա գործարարության ստնադարտ, որի արդյունքում ավելի լավ է ավելի երկար, լայն, բարձր ավտոմեքենայով շրջեն, քան գումար ներդնեն գիտելիքի, տեխնոլոգիայի, ստանդարտի մեջ»,- ասել է նա։

Կառավարությունը քննարկել է կորոնավիրուսի տնտեսական հետևանքների չեզոքացման 23-րդ միջոցառման հարցը։ ՀՀ-ում համավարակին զուգընթաց՝ գործադիրը մի շարք ծրագրեր է մշակել՝ բիզնեսին, սոցիալապես անապահովներին, ուսանողներին աջակցելու համար։

 Ուշագրավ
Չվերթերը կիրականացվեն հոկտեմբերի 3-ից
Հաղթողը վճարելու է նաև հողամասի կադաստրային արժեքը՝ 40․6 մլն դրամից ավելի
Դրանով կառավարությունը ցանկանում է խրախուսել այն ընկերություններին, որոնք կարողացել են պահպանել աշխատատեղերը