Գիտնականներ․ Ռաֆայելն իրեն գեղեցկացրել է իր ինքնադիմանկարներում, օրինակ՝ քիթը

Գիտնականներ․ Ռաֆայելն իրեն գեղեցկացրել է իր ինքնադիմանկարներում, օրինակ՝ քիթը

PanARMENIAN.Net - Իտալացի հետազոտողները ստեղծել են Վերածննդի դարաշրջանի վարպետ Ռաֆայելի դեմքի 3D պատկերն ու վերջնականապես համոզվել, որ նա թաղված է Հռոմի պանթեոնում։ Բացի այդ, հետազոտողները մեկ այլ՝ ավելի զարմանալի բացահայտում են արել․ ըստ նրանց՝ նկարիչն ինքնանկարներ անելիս կատարելագործել է իր դիմանկարները, գեղեցկացրել քիթը, փոխանցում է CNN-ը։

Գիտնականները նկարչի՝ 1833-ին պեղված կմախքից 3D պատկերը համեմատել են նրա ինքնանկարների հետ, ինչի արդյունքում համոզվել են, որ կմախքը Ռաֆայելինն է։ Ըստ մասնագետների՝ ինքնադիմանկարներում Ռաֆայելի քիթն ակնհայտորեն տարբեր է իրականից, և դա հիմք է տալիս կարծելու, որ նկարիչն իր դիմանկարները ստեղծելիս կատարելագործել է դիմագծերը։

«Իր նկարներում Ռաֆայելը ներկայացրել է մարդկանց գեղեցկությունը։ Հենց միայն Հռոմի պապ Լևոն X դիմանկարը լավ օրինակ է, քանի որ նա անշուշտ վայելչակազմ չէր»,- ասել է Հռոմի Տոր Վերգատայի անվան ինստիտուտի մոլեկուլային կենսաբանության պրոֆեսոր Մաթիա Ֆլակոնին։

Ըստ գիտնականի՝ 1833-ին գտնված կմախքով հետագայում արդեն կարելի է նկարչի մասին գենետիկ այլ մանրամասներ իմանալ, ինչպես օրինակ՝ աչքերի, մազերի, մաշկի գույնը։ Ըստ Տորի՝ արդեն կարելի է ասել, որ 16-րդ դարի 37-ամյա տղամարդու համար Ռաֆայելը հրաշալի ատամնաշար է ունեցել, ինչը ցույց է տալիս, որ նա հատուկ խնամքով է վերաբերել իրեն ու սննդակարգին։

Ռաֆայել Սանտին Վերածննդի շրջանի իտալացի նկարիչ է։ Նրա վրձնին են պատկանում «Քրիստոսի թաղումը», «Պառնաս», «Աթենական դպրոց», «Պայծառակերպություն», «Գալատեա» և մի շարք այլ հայտնի աշխատանքեր։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան