ԱՄՆ-ն կդիտարկի Բելառուսի դեմ պատժամիջոցներ սահմանելու հնարավորությունը

ԱՄՆ-ն կդիտարկի Բելառուսի դեմ պատժամիջոցներ սահմանելու հնարավորությունը

PanARMENIAN.Net - ԱՄՆ պետքարտուղար Մայք Պոմպեոն հայտարարել է, որ Միացյալ Նահանգները չի բացառում Բելառուսի դեմ պատժամիջոցներ սահմանելու հավանականությունը, սակայն որոշում դեռ չի կայացվել։

«Վստահ եմ, որ մենք կքննարկենք այդ ամենը, կարևոր է չափանիշներ սահմանել։ Ինչը, մեր կարծիքով, մենք կարող ենք անել ոչ թե միայն միակողմանի, միայն ԱՄՆ-ն, այլև բազմակողմ ձևաչափով՝ լավ արդյունք ունենալու համար Բելառուսի ժողովրդի համար, լինեն դրանք պատժամիջոցներ, թե արտադրանքի առաքում։ Այդ ամենը դեռ պետք է որոշել»,- ասել է նա Free Europe ռադիոյին տված հարցազրույցում, գրում է Interfax-ը։

Ըստ Պոմպեոյի՝ դեռ վաղ է որոշում կայացնել, պետք է տեսնել, թե ինչ զարգացումներ կլինեն Բելառուսում։

Բացի այդ, ԱՄՆ-ն դատապարտում է բռնությունը խաղաղ ցուցարարների դեմ։

Օգոստոսի լույս 13-ի գիշերը Մինսկում համեմատաբար խաղաղ է անցել՝ առանց կոշտ դիմակայության, որը կար նախորդ օրերին։ Բախումների պատճառը ցուցարարների անհամաձայնությունն է նախագահական ընտրությունների պաշտոնական արդյունքների հետ, որոնց համաձայն 80.08%-ով վերընտրվել է գործող նախագահ Ալեքսանդր Լուկաշենկոն։ Նրա հիմնական հակառակորդ Սվետլանա Տիխանովսկայան հավաքել է 10.9%։ 3 օրում ավելի քան 6000 ցուցարար է ձերբակալվել, հիվանդանոցներում ավելի քան 250 հիվանդ կա, մեկ մարդ զոհվել է։

 Ուշագրավ
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին
Զինվորականը սպանվել է հուլիսի 14-ի առավոտյան